बाँके -बाँकेबाट सल्यान जान लागेको एउटा बस राप्तीसोनारी गाउँपालिका–२ ठुरिया जंगलमा दुर्घटना हुँदा १२ जनाको मृत्यु भएको छ ।

दुर्घटनामा परी २१ जना घाइते भएका छन् ।

नेपालगञ्जबाट सल्यान जाँदै गरेको ना ५ ख ५९९५ नम्बरको गाडी रोकिराखेको बा ४ ख ९०६४ नम्बरको ट्रकमा ठोक्किँदा ११ जनाको घटनास्थलमै मृत्यु भएको थियो  भने एक जनाको उपचारको क्रममा मृत्यु भएको बताइएको छ ।

भारतबाट मजदुरी गरेर सल्यान जान लागेकाहरु दुर्घटनामा परेको प्रहरीले जानकारी दिएको छ ।

बाँके दुर्घटनाका घाइतेको पहिचान

बाँकेमा भएको सवारी दुर्घटनाका घाइतेको पहिचान भएको छ ।

भारतबाट घर फर्केका नागरिकलाई लिएर नेपालगञ्जदेखि सल्यान जानेक्रममा राप्तीसोनारी गाउँपालिकास्थित पूर्वपश्चिम राजमार्गमा गए राति करीब १२ बजे ना ५ ख ५९९५ नम्बरको हायस मिनीबस रोकिराखिएको बा ४ ख ९०६४ नम्बरको ट्रकमा ठोक्किँदा १२ जनाको मृत्यु भएको थियो भने २१ यात्रु घाइते हुनुभएको थियो ।

दुर्घटनामा घाइते हुनु भएकाहरु

-दाङ घोराही उपमहानगरपालिका धर्नाका ४५ वर्षीय मेगराम केसी,

– रोल्पा त्रिवेणी गाउँपालिका –७ तिलाका १७ वर्षीय सुनिल परियार,

२० वर्षीय वीरेन्द्र परियार, १८ वर्षीय पुरन परियार,

– दाङ तुलसीपुर उपमहानगरपालिका –२ खैरीकोटका ३९ वर्षीय विष्णु गिरी,

– सल्यान शारदा नगरपालिका – ६ का २६ वर्षीया टीका चलाउने,

– दाङ राजपुर गाउँपालिकाका २० वर्षीय दीपेश चौधरी,

– तुलसीपुर –२ खैरीकोट निवासी २३ वर्षीय रुपलाल केसी,

– रोल्पा कुरैलीका ५२ वर्षीय नरबहादुर विक,

– दाङ राजपुर गाउँपालिका –२ रैमनियाका २१ वर्षीय जीवन घर्ती

– रोल्पा टुटुका ४० वर्षीय दिलबहादुर विक

-सल्यान वनगाड कुपिण्डे नगरपालिका –६ निवासी २० वर्षीय मीनराज विक,

-सल्यान सिद्धकुमाख गाउँपालिका–५ दह निवासी ४० वर्षीय तेजबहादुर बुढाथोकी,

– वडा नं ४ निवासी २८ वर्षीय लोकेश घर्ती,

– कुपिण्डे नगरपालिका –६ गोगनकटवा निवासी ५२ वर्षीय दीपबहादुर बुढा,

– सल्यानकै छापदरा निवासी १८ वर्षीय धनबहादुर बोहरा,

– दाङ गढवा गाउँपालिका –६ मानपुर निवासी २० वर्षीय भरत थापा,

– सल्यान सिद्धकुमाख गाउँपालिका –५ वडाकोट निवासी २६ वर्षीय निमबहादुर वली, सोही गाउँपालिकाकै वडा नं ५ दह निवासी १८ वर्षीय देवेन्द्र बुढाथोकी, शिव भण्डारी र १७ वर्षीय ज्ञानबहादुर बोहरा घाइते हुनुभएको छ ।

घाइतेहरुको  भेरी अस्पतालमा उपचार भइरहेको अस्पतालका मेडिकल सुपरिटेण्डेण्ट डा प्रकाश थापाले जानकारी दिनुभयो ।

घाइतेमध्ये चारजनाको अवस्था गम्भीर रहेको छ ।शवको भने सनाखत हुन नसकेको प्रहरी उपरीक्षक वीरबहादुर वलीले जानकारी दिनुभयो ।

स्वाब परीक्षण हुँदै सवारी दुर्घटनामा परेर मृत्यु र घाइते भएकाहरुको कोरोना भाइरस भएरनभएको पुष्टि गर्न स्वाब संकलन गरिएको छ ।

भेरी अस्पतालका निमित्त मेडिकल सुपरिटेन्डेन्ट डा प्रकाशबहादुर थापाका अनुसार मृतक र घाइते सबैको स्वाब संकलन गरेर कोरोना भाइरसको परीक्षण गर्न लागिएको हो ।

मृतकमा कोरोना संक्रमण नभए परिवारको जिम्मा लगाइने र संक्रमण देखिएमा सोहीअनुसार शव व्यवस्थापन गरिने उहाँले बताउनुभयो ।