रक्तदाता मैनालीलाई न्युयोर्कमा सम्मान

-- नेपाली टाईम्स अष्ट्रेलिया ?>

काभ्रे सिपाली घर भई हाल विश्वभर रक्तदानबारे अभियान सञ्चालन गर्दै आएका रक्तदाता अर्जुन मैनालीलाई न्युयोर्कस्थित नासाउ काउन्टीले हालै सम्मान गरेको छ । लामो समयदेखि नासाउमा बस्दै आएका मैनालीले निस्वार्थ भावनामा समुदायमा रक्तदानमार्फत योगदान पुर्‍याएको र जागरुक गरेकाले उनलाई नासाउ काउन्टी प्रमुख लाउरा कुरानले सम्मान प्रदान गरेकी हुन् । उक्त काउन्टीले मैनालीको अभियानलाई अनुकरणीय कार्य भनेको छ । काठमाडौंबाट ३३ वर्षअघि रक्तदान थालेका मैनालीले हालसम्म १ सय ९३ पटक रक्तदान गरिसकेका छन् । यो रगतले ५ सय ७९ व्यक्तिको बचाउमा सहयोग पुर्‍याएको छ । मैनाली रक्तदान गर्दै र गराउदै १७ वटा देश पुगिसकेका छन् ।ख