नेपालमा कोरोना संक्रमणको निको हुने दर ७७.२ प्रतिशत

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा कोरोना भाइरसका ६ हजार ९ सय ३९ जना संक्रमित थपिएका छन् ।

यो अवधिमा २० हजार ४ सय १४ जनाको पीसीआर तथा ५ सय ७८ जनाको एन्टिजेन विधिबाट परीक्षण गरिएको थियो ।

जस अन्तर्गत पीसीआरतर्फ ६ हजार ७ सय ३१ तथा एन्टिजेनतर्फ २ सय ८ जनामा संक्रमण पुष्टि भएको हो ।

यो अवधिमा ७ हजार २ सय २६ जना संक्रमणमुक्त भएका छन् ।

त्यस्तै पछिल्लो २४ घण्टामा १ सय ६ जना संक्रमितको दु:खद निधन भएको छ ।

हाल नेपालमा संक्रिय संक्रमितहरुको संख्या १ लाख १६ हजार ४ सय ७६ रहेको छ ।

नेपालमा कोरोना संक्रमणको निको हुने दर ७७ दशमलव २ प्रतिशत रहेको छ ।

नेपालमा हालसम्म ६ हजार ९ सय ५१ जनाको संक्रमणका कारण निधन भएको स्वास्थ्य तथा जनसंख्या मन्त्रलायले जनाएको छ ।