नुवाकोट केन्द्र भएर ५.३ रेक्टरस्केलको भूकम्प

-- नेपाली टाईम्स अष्ट्रेलिया / प्रकाशित मिति : शनिबार, साउन २१, २०७९

काठमाढौं– शनिवार बिहान काठमाडौंमा भूकम्पको ठूलो झट्का महसुस गरिएको छ । नुवाकोटको बेलकोटगढी केन्द्रबिन्दु भएर उक्त भूकम्प गएको हो । राष्ट्रिय भूकम्प मापन तथा अनुसन्धान केन्द्रका अनुसार आज बिहान ५ बजेर २६ मिनेट जाँदा नुवाकोट जिल्लाको बेलकोटगढी आसपास केन्द्रबिन्दु भएर ५.३ रेक्टरस्केलको भूकम्प गएको हो । उक्त भूकम्प गोरखा भूकम्पको पराकम्प भएको उक्त केन्द्रका भूकम्पविद् डा.मुकुन्द भट्टराईले जानकारी दिनु भएको छ ।

उक्त भूकम्पको धक्का नुवाकोट, रसुवा, धादिङ र काठमाडौं उपत्यकाभित्र महसुस गरिएको थियो । भूकम्पका कारण काठमाडौं उपत्यकाभित्र मानिस घरबाहिर निस्केका थिए । यसअघि साउन १५ गते पनि खोटाङको साकेला गाउँपालिका केन्द्र भएर ६ रेक्टर स्केलको भूकम्प गएको थियो ।