ढल्यो प्रचण्ड सरकार, पाएनन् विश्वासको मत

-- नेपाली टाईम्स अष्ट्रेलिया ?>

काठमाडौं– प्रधानमन्त्री पुष्प कमल दाहाल प्रचण्डले प्रतिनिधि सभाको शुक्रवारको बैठकबाट विश्वासको मत पाएनन् । आजको बैठकमा प्रधानमन्त्रीद्वारा राखिएको विश्वासको मतको पक्षमा ६३ मत प्राप्त भएको छ भने विपक्षमा १९४ मत खसेको छ । आजको बैठकमा कुल २५८ सांसदहरुको उपस्थित रहेकोमा एक जना सांसद भने तठस्थ रहेका छन् ।

योसंगै प्रधानमन्त्री पुष्पकमल दाहाल प्रचण्डले विश्वासको मत गुमाएका छन् । शुक्रवार प्रतिनिधि सभाको बैठकमा पेश गरेको विश्वासको मतको प्रस्तावको पक्षमा केवल ६३ मत मात्र परेपछि प्रधानमन्त्रीले संसदको विश्वास गुमाएका छन् । विश्वासको मतसम्बन्धि प्रस्तावको विपक्षमा १९४ मत परेको थियो । त्यस्तै मत दिन्न भन्ने पक्षमा एक सांसदले मत दिएका थिए ।

आजको मतदान प्रक्रियामा २५८ सांसदले भाग लिएका थिए । प्रधानमन्त्रीले संसदबाट विश्वासको मत गुमाएसँगै सरकार पनि ढलेको छ । अब संघीय संसद सचिवालयले सरकारले विश्वासको मत गुमाएको जानकारी राष्ट्रपति रामचन्द्र पौडेललाई गराएसँगै राष्ट्रपतिले नयाँ सरकार गठनको आव्हान गर्ने छन् ।