शशांक कोइराला गम्भिर बिरामी, भारत लैजाने तयारी

-- ?>

Shashank Koirala_Sick

काठमाडौं— नेपाली कांग्रेसका महामन्त्री शशांक कोइरालालाई निमोनिया देखिएपछि थप उपचारका लागि भारत लैजाने तयारी गरिएको छ । मंगलबार साँझ एक्सासी वान्ता भएपछि कोइरालालाई चाबहिलस्थित ओम अस्पतालमा भर्ना गरिएको थियो । अस्पतालमा उपचारको क्रममा स्वास्थ्यमा सुधार नदेखिएपछि उनलाई आईसीयुमा राखेर उपचार भइरहेको छ । कोइरालालाई निमोनिया देखिएका कारण भेन्टिलेटरमा राखिएको अस्पतालले जनाएको छ । कांग्रेस नेता दिलेन्द्र बडूका अनुसार कोइरालालाई थप उपचारका लागि भारत लैजाने तयारी भइरहेको छ । बढूका अनुसार एअर एम्बुलेन्स बोलाइए पनि आइपुग्न समय लाग्ने देखिएको छ । महामन्त्री कोइरालालाई अस्पतालकै सुझाव अनुसार भारतको नयाँ दिल्लीस्थित एपोलो अस्पताल लैजाने तयारी भएको छ ।
महामन्त्री कोइरालालाई भेट्न प्रधानमन्त्री केपी शर्मा ओली अस्पताल पुगेका छन् भने कांग्रेस सभापति शेरबहादुर देउवासहित बरिष्ठ नेता तथा कार्यकर्ताहरु चाबहिल पुगेका छन् । पछिल्लो समय कोइरालाको स्वास्थ्य अवस्था गम्भीर तर स्थीर रहेको अस्पतालले जनाएको छ ।