निर्वाचन घोषणापछि मधेशी मोर्चा आन्दोलित

-- ?>

काठमाडौं– संविधान संशोधनमार्फत आफ्ना माग सम्बोधन नगरी निर्वाचन मिति घोषणा गरिएपछि असन्तुष्ट भएको संयुक्त लोकतान्त्रिक मधेसी मोर्चा औपचारिक रुपमै आन्दोलनमा उत्रिएको छ ।
मोर्चाले सांकेतिक विरोधस्वरुप मंगलबार मशाल जुलुस तथा बुधबार मधेस बन्द घोषणा गरेको छ ।

सरकारले आगामी वैशाख ३१ गते एकै चरणमा देशभर स्थानीय तह निर्वाचन गर्ने तिथि हिजो सोमबार साँझ घोषणा गरेको थियो । त्यस लगत्तै मोर्चाले आन्दोलनका कार्यक्रम सार्वजनिक गरेको थियो ।

मोर्चाको घोषित आन्दोलनका कार्यक्रममा फागुन १२ देखि २६ सम्म सम्म १५ दिने भण्डाफोर कार्यक्रम सञ्चालन गर्ने छ ।

आन्दोलनका थप कार्यक्रम मोर्चाको बैठकबाट तय हुने नेताहरूले बताएका छन् ।