नेपालमा बढ्यो साइबर अपराध

-- NTA REP. / प्रकाशित मिति : बुधबार, फाल्गुन २५, २०७३

महानगरीय प्रहरी अपराध महाशाखा, काठमाडौंमा चालु आर्थिक वर्षको ६ महिनामा साइबर अपराध सम्बन्धी ५ सय ६० उजुरी दर्ता भएका छन् । पछिल्लो समय फेसबुक, ट्वीटर, भाइबर, अनलाइनलगायतका सामाजिक सञ्जालमार्फत अपराध गर्नेको संख्या बढेको महाशाखाले जनाएको छ । महाशाखाका प्रहरी नायव उपरीक्षक पशुपति रायले प्रविधिको विकाससंगै साइबर अपराधको घटनामा वृद्धि आएको बताए । उनका अनुसार गत आर्थिक वर्षमा ८ सय ३० उजुरी महाशाखामा परे पनि यो चालु आर्थिक वर्षको पहिलो महिनामा नै ५ सय ६० उजुरी दर्ता भएको छ । महाशाखामा उजुरी दर्ता भएमध्ये ११ घटनाको मुद्दा चलाएको रायले जानकारी दिएका छन् । त्यसमध्ये सामाजिक सञ्जालमार्फत अपराध गर्ने ११, एटिएममार्फत ठगी गर्ने एक र अनलाइन चिठ्ठा पर्‍यो भनी ठगी गर्ने एक घटना रहेका छन् ।