निर्वाचित पदाधिकारीको पदभार ग्रहण भोलि

-- ?>

काठमाडौं— नेपाली कांग्रेसको १३ औं महाधिवेशनबाट निर्वाचित पदाधिकारी तथा सदस्यको पदभार ग्रहण भोलि बुधबार हुने भएको छ । पार्टीको केन्द्रीय निर्वाचन समितिले भोलि बेलुका ४ बजेका लागि पदभार ग्रहण कार्यक्रम तय गरेको पार्टी कार्यालयका सचिव प्रदीप पराजुलीले जानकारी दिएका छन् ।
नव निर्वाचित सबै पदाधिकारी तथा सदस्यलाई समितिले विजयी भएको प्रमाणपत्र दिएपछि सबैले औपचारिक रुपमा आ–आफ्नो पद सम्हाल्ने छन् । कांग्रेसमा नयाँ नेतृत्वका लागि गत फागुन २३ गते भएको निर्वाचनका सबै पदको मतगणना हिजो सोमबार बेलुका मात्र सम्पन्न भएको थियो । कांग्रेसमा महाधिवेशन अन्तर्गत सभापति, महामन्त्री र कोषाध्यक्षसहित ६४ सदस्यका लागि निर्वाचन भएको थियो ।