एस इभेन्ट्स् एण्ड मल्टिमिडियाले हरेक दुई वर्षमा होलि भव्यताको साथ मनाउदै आएको छ । साँगीतिक जात्रा नाम दिइएको यस कार्यक्रम हरेक वर्ष  हुँदै गइरहेको र यसपाली मेल्वर्नको अर्को ठूलो इभेन्टस् कम्पनी सोलाङ्चरसँग सहकार्य गरेर आयोजना गरेको हुँदा कार्यक्रम झन् भव्य हुने मेल्वर्नबासीहरुको धारणा रहेको छ ।
एक्सपर्ट एजुकेशनले प्रायोजन गरेको यस कार्यक्रम यही २० मार्चमा गिल्पीन पार्क ब्रन्सवीकमा हुने भएको छ । रंगहरुको पर्व होली यस वर्षपनि मधेसी समाज भिक्टोरियालेले धुमधामसँग मनाउने भएको छ ।  अपरान्ह १२ बजे देखि ७ बजेसम्म हुने यस होली कार्यक्रममा सहभागी भई सफल बनाउन साँगीतिक जात्रा कमिटिका तर्फबाट सुनोध श्रेष्ठले सम्पूर्ण मेलबर्नबासीलाई अनुरोध गरेका छन् ।
कार्यक्रममा सहभागीताका लागि निशुल्क प्रवेशको व्यवस्था गरिएको छ । कार्यक्रममा खानेकुराको साथमा रंगहरु,गीत संगीत, लाइभ ब्राण्ड , मःम खाने प्रतिस्पर्धा, विभिन्न खेल,पानी विचकारी लगायत भरपूर मनोरञ्जनको व्यवस्था रहने आयोजकले जनाएको छ ।