अमेरिका,
अमेरिकाको क्यालिफोनिया राज्यमा आफ्नै मातृ भाषा नेपालीमा ड्राईभर लाईसेन्स परिक्षा दिन पाउनुपर्ने माग गर्दै हस्ताक्षर अभियान शुरु भएको छ । गैरआवासिय नेपाली संघ अमेरिका क्षेत्रका क्षेत्रिय संयोजक गौरी जोशीले क्यालिफोनियाका नेपालीहरुले शुरु गरेको हस्ताक्षर अभियानमा सहभागी हुन अमेरिकामा रहेका नेपाली भाषी समुदायलाई अपिल गरेका छन । क्षेत्रिय संयोजक जोशीले एक प्रेश विज्ञप्ति जारी गर्दै अमेरिकामा बस्ने सबैले हस्ताक्षर अभियानमा सहभागी भै अधिकार प्राप्तिको लागि ऐक्यवद्दता प्रकट गरिदिनुहुन अनुरोध गरेका छन । यस अघि पनि यसैगरी गरिएको प्रयास स्वरुप मेरिल्याण्डमा नेपाली भाषाबाटै ड्राईभर लाईसेन्सको परिक्षा दिन पाउने नियम बनेको जोशीद्धारा जारी विज्ञप्तिमा उल्लेख छ ।
यस हस्ताक्षर अभियानमा हस्ताक्षर गर्न धधध।अजबलनभ।यचन मा गएर अमेरिकामा बस्ने नेपालीले हस्ताक्षर गर्न सक्नेछन ।

मेरिल्याण्ड राज्यमा नेपाली भाषामा ड्राईभर लाईसेन्सको परिक्षा दिन पाउने कानुन बनी सकेपछि नेपाली समुदाय बढी रहेको राज्य क्यालिफोनिया र टेक्सासमा पनि सो अभियान थालिएको हो । क्यालिफोनियामा रहेका नोपलीहरुले हस्ताक्षर अभियानलाई सफल बनाउन विभिन्न तहमा समिति बनाई सक्रिय रहेका छन ।

क्यालिफोनियाको लस एन्जल्स र सान फ्रान्सिस्कोमा एक लाख नेपाली बसोबास गर्ने अनुमान गरिएको छ । भुट्नीज् नेपाली अमेरिकन, नेपाली र नेपाली मुलका नेपाली अमेरिकन तथा अमेरिकामा बस्ने सबै व्यक्तिले यो अभियानमा हस्ताक्षर गर्न सकिने क्षेत्रिय संयोजक जोशीले बताए । यो अभियानलाई सफल बनाउन अमेरिकामा रहेका विभिन्न स्थानीय संघ सस्थाहरु सक्रिय रहेका छन ।

प्रतिकृया दिनुहोस

सम्बन्धित समाचार