ग्रान्भिलका नेपाली समुदायले दशैं तिहार मनाउदै 

-- नेपाली टाईम्स अष्ट्रेलिया / प्रकाशित मिति : बिहिबार, भदौ १२, २०७६
सधैका बर्षहरुमा जस्तै यस पटक पनि नेपालीहरुको बाक्लो बस्ति रहेको ग्रान्भिल क्षेत्रका नेपालीहरु सामुहिक दशैं तिहार मनाउने तयारीमा रहेको ग्रान्भिल नेपालीज कम्यूनिटी क्लवका अध्यक्ष रमेश थापाले जनाएका छन् । सिड्नीको पश्चिम क्षेत्रमा रहेको ग्रान्भिल र यसको वरपर बिगत लामो समय देखि ठुलो संख्यामा नेपालीहरुको  बसोबास रहेको छ । सन् २००५ देखि ग्रान्भिलबासी नेपालीहरु एक आपसमा जमघट भई हरेक बर्ष महान पर्व दशैं तथा तिहारको उपलक्ष्यमा नाँच गान र साँस्कृतिक कार्यक्रमको आयोजना गरी शूभकामना साटासाट गर्ने निरन्तरता स्वरुप यस पटकको कार्यक्रम झन फरक र प्रभाबकारी तरिकाले गर्न लागिएको अध्यक्ष थापाले बताए ।
आउदो सेप्टेम्बर २७ शुक्रबारको साँझ ६ बजे बाट ब्लाउजा हल ग्रान्भिलमा ( 157 Blaxcell St. Granville )  हुन लागेको उक्त कार्यक्रममा नेपालका ख्याती प्राप्त हाँस्यकलाकार नारद खतिवडाको बिशेष प्रस्तुति रहनेछ भने उँहालाई सिड्नीका स्थानीय कलकार र भाइ-बैनीहरु ले साथ दिनेछन । बिल्कुलै परिबरिक बाताबरणमा हुने यस कार्यक्रमको प्रवेश शुल्क २५ डलर तोकिएको छ भने  ७ बर्ष सम्मका बाबु/नानीको प्रवेश निशुल्क रहेको छ ।  यस शुल्क भित्र मिठो परिकारका साथ भरपुर मनोरंजन पनि लिन सकिनेछ ।  कार्यक्रममा उपस्थिति भई हाम्रा चाड पर्ब रितिरिवाज दोश्रो पुस्ता सम्म पुराउनका लागि सहयोग गर्न पनि सम्पूर्ण दाजु-भाइ दिदि बैनीहरु लाई अध्यक्ष थापाले आमन्त्रण गरेका छन्।
कार्यक्रम सम्बन्धि कुनै पनि जनाकारीका लागि कल्बका पदाधिकारी वा  रमेश थापा- ‭0431 792 100,‬ भिम बस्नेत- 0431 189 702, सौगात भट्टराई- 0402 576 515 , राम रुवाली- ०४३२ ८२२ २३५  वा दिपक पाहारी 0423 856 375 मा सम्पर्क गर्न अनुरोध गरिएको छ।