काठमाडौं— नेपाली पुरुष फुटबल टोलीले दक्षिण एसियाली खेलकुद (साग) मा १७ वर्षपछि फाइनलमा स्थान बनाउन सफल भएको छ । शनिवार सम्पन्न अत्यन्त रोमाञ्चक खेलमा नवयुग श्रेष्ठले ह्याट्रिक गरेर इतिहास रचेका हुन् ।

गुवाहाटीको इन्दिरा गान्धी एथ्लेटिक्स स्टेडियममा सम्पन् न१२औं सागअन्तर्गत फुटबलको सेमिफाइनलमा नेपालले माल्दिभ्सलाई नाटकीय ढंगले ४–३ ले हराउन सफल भएको हो । यो जीतसंगै साग फुटबलमा नेपाल पाँचौंपटक फाइनलमा पुग्न सफल भएको हो । अब नेपालले उपाधिका लागि आयोजक राष्ट्र भारतसँग सोमबार खेल्ने पक्का पनि भएको छ । भारतले यसअघिको सेमिफाइनल खेलमा बंगलादेशलाई ३–० गोल अन्तरले हराएको हो ।

नेपालको जितमा अञ्जन विष्टले १५औं मिनेटमा अग्रता दिलाएकामा नवयुग श्रेष्ठले ह्याट्रिक गरेका थिए । नवयुगले ३६ औं मिनेटमा नेपालको अग्रता दोब्बर पारेका थिए तर ६५औं मिनेटमा कमल श्रेष्ठले दोहोरो पहेँलो कार्ड पाएर मैदान छाड्नु परेपछि नेपालले १० खेलाडीसहित बाँकी समयमा २ गोल खाएको । नेपालले निर्धारित समय सकिनलाग्दा गोल खाएपछि २–२ को स्थितिमा पुगेको थियो । अतिरिक्त समयमा माल्दिभ्सले ३–२ को अग्रता लिँदा नेपालले खेलको अन्तिम पाँच मिनेटमा ह्याट्रिक ब्वाइ नवयुगले अर्को चमत्कारी खेल देखाए । नवयूगले अन्तिम दुई मिनेटमा दुई गोल गरेर नेपाललाई १७ वर्षपछि साग फुटबलको फाइनलमा पुर्‍याए । नवयुगले लगातार तीन अन्तर्रा्ष्टि्रय ह्याट्रिक गर्ने नेपालका पहिलो फुटबलर बन्दै इतिहास समेत रचका छन् । यसअघि यसै सागअन्तर्गत उनले भुटानविरुद्ध समूह चरणमा ह्याट्रिक गरेका थिए । नेपाली सेनासँग आवद्ध नवयुगले यसअघि बंगबन्धु गोल्डकपको सेमिफाइनलमा माल्दिभ्सलाई ४–१ ले हराउँदा नेपालका तर्फबाट ह्याट्रिक गरेका थिए ।

प्रतिकृया दिनुहोस

सम्बन्धित समाचार