काठमाडौं उपत्यकाभित्र अप्रिल २९ देखि निषेधाज्ञा

-- नेपाली टाईम्स अष्ट्रेलिया / प्रकाशित मिति : सोमवार, बैशाख १३, २०७८

काठमाडौं – काठमाडौंका तीन वटै जिल्लामा अप्रिल २९ अर्थात यही वैशाख १६ गतेदेखि निषेधाज्ञा जारी हुने भएको छ ।

काठमाडौं, भक्तपुर र ललितपुरका प्रमुख जिल्ला अधिकारीहरुको संयुक्त बैठकले यो निर्णय गरेको हो ।

अर्को सूचना जारी नभएसम्म बिहीबारदेखि निषेधाज्ञा जारी हुने भएको हो ।

कोरोना संक्रमण दरका दोस्रो लहर बढेपछि निशेधाज्ञा जारी गरिने भएको हो ।

पहिलो चरणमा एक हप्ताका लागि निषेधाज्ञा जारी हुने भनिए पनि निशेधाज्ञा कम्तिमा एक महिना थपिने सम्भावना रहेको छ ।

सीसीएमसीले पनि १६ गतेदेखि निषेधाज्ञा लागु गर्न सुझाव दिएको थियो ।

तर गृहमन्त्रालयले भने मिति तय भइनसकेको कुन दिनदेखि निषेधाज्ञा लगाउने छलफल चलिरहेको बताएको छ ।