भेटिन्न झैँ डाक्टर !
हे हावा ! तँ उडा बताससरि भै आँधीहुरी वेगमा
राख्नै हुन्न उडा विकार मनका होस् सिघ्र संवेगमा ।
छन् फोहोर धुवाँ धुलो पवनमा लाग्दो छ औधी डर
मेरो देश थला पर्यो ग्रसित भै भेटिन्नझैँ डाक्टर ।।१।
हे पानी ! तँ बगा बगा नदनदी झर्ना बनी बेसरी
राख्नै हुन्न बगा प्रदूषण सबै उर्लेर बाढीसरी ।
टार्छन् भोलि भनी भने स्वजनले कर्तव्य सम्झन्छ र
मेरो देश थला पर्यो ग्रसित भै भेटिन्नझैँ डाक्टर ।।२।
हे माटो ! तँ चला सुवास मनमा फक्रेर गोदावरी
छातीमा तँ फला अनाज रसिला दाना अनेकौँ धरी ।
इच्छा व्यक्त गरेँ रह्यो मन मनै सुन्ने यहाँ को छ र
मेरो देश थला पर्यो ग्रसित भै भेटिन्न झैँ डाक्टर ।।३।
हे आगो ! तँ डढा डढा मनुजका के गर्नु ती कल्मष
राख्नै हुन्न डढा बली दनदनी होस् भस्म आहारिस ।
बन्ला राष्ट्र भनी पुकार गरियो बन्दो छ थोत्रो तर
मेरो देश थला पर्यो ग्रसित भै भेटिन्न झैँ डाक्टर ।।४।
हे आकाश ! खुला खुला बनिरहेस् बिर्सेर सास्तीहरू
लाग्ला बादल डम्म भै सगरमा छोपेर बस्तीहरू ।
छानो भै रहनू सदा अवनिमा साझा सबैको घर
मेरो देश थला पर्यो ग्रसित भै भेटिन्न झैँ डाक्टर ।।५।
(शार्दूलविक्रीडित छन्द)
काठमाडौं– यो वर्षको माध्यमिक शिक्षा परीक्षा (एसइइ) आज चैत १५ गते बिहीवारदेखि...
काठमाडौँ- बैशाख १५ मा हुने उपनिर्वाचनमा सत्ता समीकरण नै आमने सामने हुने...
सिड्नी– अष्ट्रेलियाले यसै हप्ताबाट विदेशी विद्यार्थीहरूका लागि कडा भिसा नियमहरू लागू गर्ने...
काठमाडौं– नेपाल प्रहरीले सम्पर्कविहीन् भएका २३ जना विभिन्न कर्मचारीलाई ७ दिन...
काठमाडौं– नेपालले आयरल्याण्ड ‘ए’ लाई ६ विकेटले पराजित गरेको छ । आयरल्याण्ड...
सिड्नी, अष्ट्रेलिया । अष्ट्रेलियालाई कर्मथलो बनाएर नेपाली गीत संगीतमा अनबरत लागि रहेकी...
काठमाडौं– यो वर्षको माध्यमिक शिक्षा परीक्षा (एसइइ) आज चैत १५ गते बिहीवारदेखि...
काठमाडौँ- बैशाख १५ मा हुने उपनिर्वाचनमा सत्ता समीकरण नै आमने सामने हुने...
सिड्नी– अष्ट्रेलियाले यसै हप्ताबाट विदेशी विद्यार्थीहरूका लागि कडा भिसा नियमहरू लागू गर्ने...
काठमाडौं– नेपाल प्रहरीले सम्पर्कविहीन् भएका २३ जना विभिन्न कर्मचारीलाई ७ दिन...