सिड्नी स्थित नेपाली हरुको स्वामित्वमा संचालित रिअल स्टेट “ल्याण्ड एण्ड लिज रियल्टि” ले ग्लेनफिल्डमा आफ्नो नयाँ शाखा खोलेको छ । हाल सम्म लकेम्बा अफिसबाट घर जग्गासम्बन्धी सेवा पुर्याउदै आएको ल्याण्ड एण्ड लिज रियल्टिले अब साउथ वेष्ट क्षेत्रबाट पनि आफ्नो सेवा संचालन गर्ने भएको छ  ।
गत मार्च २७ शनिबारका दिन औपचारिक रुपमा उदघाटन गरिएको नयाँ शाखा 70 Railway Parade Glenfield मा रहेको छ । उदघाटनका कार्यक्रमका प्रमूख अतिथि मक्वायरिफिल्डबाट प्रतिनिधित्व एनएसडब्लु सांसद एनोलक चान्थीभोंङले ल्याण्ड एण्ड लिज रियल्टि ब्यबसायिहरुको सफलताको शुभकामना ब्यक्त गरे । यसैगरी साउथ वेष्टमा बस्ने नेपाली समुदायहरु को सामाजिक सहभागिता, सक्रियता र  ब्यबसायिक सफलताका बारेमा प्रशंसा गरे ।
कार्यक्रमका अर्का अतिथि क्याम्बेलटाउन काउन्सिलका काउन्सिलर मसुद चौधरीले दक्षिण एसियाबाट आप्रवासीका रूपमा आएका समुदायले विभिन्न व्यवसायमा प्राप्त गरेको प्रगतिप्रति सन्तुष्टि व्यक्त गरे । यसले समुदायमा प्रेरक शिक्षा दिने कुरा उल्लेख गर्दै उनले व्यवसायको सफलताको कामना गरे ।
रियल स्टेट मामिलामा अष्ट्रेलियाको नेपाली समुदाय अग्र पंक्तिमा पर्दछ । हाम्रो समुदाय बढ्दो छ, प्रोपर्टी सम्बन्धि सेवाको माग उस्तै छ । समुदाएका सदस्यहरु लाई प्रोपर्टी सम्बन्धि उचित परामर्श, सेवा र सुबिधा सहज होस् भन्ने उद्देश्यले नै साउथ वेष्टमा आफ्नो शाखा बिस्तार गरिएको ल्याण्ड एण्ड लिजका प्रोपर्टी म्यानेजर बाबुराम पोख्रेलले नेपाली टाइम्सलाई बताए ।
नेपाली समुदायका अग्रजहरु, एनआरएनए अष्ट्रेलियाका पदाधिकारीहरु तथा ब्यबसायी उपस्थित रहेको उद्घाटन कार्यक्रमको संचानल ल्यान्ड एन्ड लिजका निर्देशक प्रेम शाहले सञ्चालन गरेका थिए भने  प्रिन्सिपल मोहम्मद चौधरीले सबै सहभागीहरु लाई धन्यवाद दिएका थिए ।