अक्टोबर महिनाको नेपालका केही महत्वपूर्ण घटनाहरु
स्वस्थ भए प्रधानमन्त्री
प्रधानमन्त्री केपी शर्मा ओलीको स्वास्थ्यमा उल्लेख्य सुधार आएको छ । छातीमा संक्रमण, खोकी र ज्वरो देखिएपछि अक्टोबर २९ मा प्रधानमन्त्री ओली महाराजगञ्जस्थित त्रिवि, चिकित्सा शास्त्र अध्ययन संस्थान, मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएका थिए । प्रधानमन्त्री ओलीको रगतको रिपोर्ट सामान्य देखिएको निजी चिकित्सक डा. दिव्या सिंह शाहले जानकारी दिएकी छिन् । प्रधानमन्त्री पूर्ण रुपमा स्वस्थ भएपछि मात्र डिस्चार्ज गर्ने अस्पतालको तयारी छ । उनको उपचारमा मुटुरोग विशेषज्ञ डा. अरुण सायमी, निजी चिकित्सक डा. दिव्या सिंह शाह र छाति रोग विशेषज्ञ डा. सन्त कुमार दासको टोली खटिएको छ । शाहका अनुसार प्रधानमन्त्रीले नियमित खानपान गर्न थालेका छन् ।
नेपाल र कतारबीच सम्झौता
नेपाल र कतारबीच छुट्टाछुट्टै दुई समझदारीपत्रमा हस्ताक्षर भएको छ । राष्ट्रपति विद्यादेवी भण्डारीको कतार भ्रमणको दोस्रो दिन उक्त पत्रहरूमा हस्ताक्षर भएको हो । नेपाल र कतारबीच कूटनीतिक, सरकारी र विशेष राहादानी बाहकलाई प्रवेशआज्ञाविना आवाजजावतको सहजीकरण गर्ने विषयमा सहमति भएको छ । सहमतिपत्रमा नेपालकोतर्फबाट परराष्ट्रमन्त्री प्रदीपकुमार ज्ञवाली र कतारका तर्फबाट उपप्रधान तथा विदेश मन्त्री शेख मोहम्मद अब्दुल रहमान अल थानीले हस्ताक्षर गरेका छन् । त्यसैगरी कृषि तथा खाद्य सुरक्षामा दुई देशबीच सहयोग आदानप्रदान सम्बन्धी अर्को समझदारीपत्रमा पनि हस्ताक्षर भएको छ । जसमा नेपालका तर्फबाट परराष्ट्रमन्त्री ज्ञवाली र कतारका तर्फबाट वातावरण तथा नगरपालिका सम्बन्धी मन्त्री मोहम्मद बिल अब्दुल्ला अलले हस्ताक्षर गरेका छन् । परराष्ट्रमन्त्री ज्ञवालीले उक्त सहमतिबाट दुई देशबीचको सम्बन्ध, सहयोग र सहकार्य अझ फराकिलो हुने विश्वास भएको जानकारी गराएका छन् ।
नेपाली जेलमा विदेशी
नेपालमा हुने बलात्कारका घटनामा विदेशी नागरिकको संलग्नता उल्लेख्य पाइएको छ । मुलुकभरका कारागारहरूमा जबर्जस्ती करणी र करणी उद्योगमा सजाय भोगिरहेका ७९ जना विदेशी कैदीरबन्दी छन् । उनीहरूलाई मुलुकका ३३ वटा कारागारमा नेपाली कैदीरबन्दीसागै राखिएको छ । कारागार व्यवस्था विभागका अनुसार तीमध्ये ६१ भारतीय र १९ जना तेस्रो मुलुकका छन् । मुलुकभरका कारगारमा ८९८ विदेशी कैदीरबन्दी छन् । तीमध्ये अप्राकृतिक मैथुनको अपराधमा ४ र बाल यौन दुराचारमा ३ जना सजाय भोगिरहेका छन् । खुल्ला सिमानाका कारण भारतीयको निर्वाध आवागमन र नेपालमै पनि भारतीयको बसोवास अन्य देशका नागरिकभन्दा बढी छ । सोही कारण आपराधिक गतिविधिमा पनि भारतीयको संख्या बढी देखिएको हुनसक्ने विभागका अधिकारीहरूको भनाइ छ ।
राजमार्गमा पुल बन्दै
विश्व बैंकको सहयोगमा पूर्व–पश्चिम राजमार्गमा १० वटा नयाँ पुल बन्ने भएका छन् । गाडी चाप बढेसँगै पुलको भार वहन क्षमता घट्दै गएका कारण नयाँ पुल बनाउन तयारी गरिएको हो । १० नयाँ पुलमध्ये चितवन र पूर्वी नवलपरासी जोड्ने नारायणी नदीको पुलको नक्साङ्कनको काम प्रारम्भ भैसकेको छ । नारायणीमा चार लेनको नयाँ पुल बन्नेछ । हाल उक्त पुल दुई लेनको छ । सडक विभागका उपमहानिर्देशक एवं पुल महाशाखा प्रमुख अर्जुनजङ्ग थापाले नयाँ पुल बनेसंगै पुराना पुललाई पनि मर्मत सम्भार गरी सञ्चालन गरिने जानकारी दिएका छन् । पूर्व–पश्चिम राजमार्गका अधिकांश पुल ३५ वर्षअघि नै बनेका हुन् । सबै पुलको नक्साङ्कन यही आर्थिक वर्षभित्र सम्पन्न गरी बोलपत्र आह्वान गर्ने तयारी गरिएको बताइन्छ ।
अब नेपालीलाई पनि शुल्क
सरकारले संरक्षित क्षेत्रमा घुम्न जाने आन्तरिक पर्यटकसँग पनि शुल्क लिन थालेको छ । आन्तरिक पर्यटकसँग प्रवेश शुल्क लिन सरकारले अक्टोबर १५ मा राजपत्रमा सूचना निकालेको थियो । अब अन्नपूर्ण, मनास्लु र गौरीशंकर संरक्षण क्षेत्रमा घुम्न जाने नेपालीले जनही एक सय रुपैयाँ प्रवेश शुल्क तिर्नुपर्नेछ भने विदेशी पर्यटकले तिर्नुपर्ने प्रवेश शुल्क पनि बढेको छ । अन्नपूर्ण संरक्षण क्षेत्र आयोजना प्रमुख राजकुमार गुरुङका अनुसार सार्क मुलुकका पर्यटकसँग एक हजार रुपैयाँ र सार्कभन्दा बाहिरी मुलुकका पर्यटकसँग तीन हजार रुपैयाँ प्रवेश शुल्क लिन थालिएको छ । यसअघि नेपाली नागरिकका लागि संरक्षित क्षेत्रमा नि:शुल्क प्रवेशको सुविधा थियो । त्यस्तै सार्क मुलुकका पर्यटकले दुई सय तथा सार्कभन्दा बाहिरी मुलुकका पर्यटकले २२ सय ६० रुपैयाँ प्रवेश शुल्क तिर्नुपथ्र्यो ।
काठमाडौंमा इलेक्ट्रिक बस
साझा यातायातले काठमाडौं उपत्यकामा बिजुली बसको शुभारम्भ गरेको छ । ललितपुरको पुल्चोकमा आयोजित कार्यक्रममा प्रधानमन्त्री केपी शर्मा ओलीले बिजुली बसको उद्घाटन गरेका हुन् । उक्त बिजुली बस चिनियाँ कम्पनी ‘बीवाईडी’ले निर्माण गरेको हो । लुम्बिनी विकास कोषका उक्त बसहरु साझा यातायातको व्यवस्थापनमा सञ्चालन हुनेछन् । बस खरीदका लागि एशियाली विकाश ब्यांक ‘एडीबी’ले सहयोग गरेको छ । खरीद गरिएका पाँच मध्ये दुई बस काठमाडौं आइपुगेको र बाँकी बस केही दिनमै आइपुग्ने जनाइएको छ । २० सिट क्षमताका ती बसहरुमा सीसी क्यामेरा जडान गरिएको छ । उभिएर यात्रा गर्नेहरुको सहजताका लागि ह्याङ्गरको व्यवस्था समेत छ । अपाङगमैत्री उक्त बिजुली बसले उपत्यकाको प्रदूषण नियन्त्रणमा सघाउ पुर्याउने विश्वास लिइएको छ । उक्त बसमा चढेर प्रधानमन्त्री ओली सहित केही मन्त्रीहरु पुल्चोकस्थित साझा यातायातको कार्यालयबाट सिंहदरबारसम्म पुगेका छन् ।
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
काठमाडौं– चैत शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘राम...
काठमाडौं– जन्मिएदेखि नै आँखाको दृष्टि गुमाएका गगन आले यतिबेला गायकको रुपमा दर्शक...
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
नेपालको ‘तेमाल’ क्षेत्र राजधानी काठमाडौँबाट झन्डै ७५ किमि टाढा काभ्रे जिल्लामा पर्दछ...
काठमाडौं– चैत शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘राम...
काठमाडौं– जन्मिएदेखि नै आँखाको दृष्टि गुमाएका गगन आले यतिबेला गायकको रुपमा दर्शक...