सिड्नी, अष्ट्रेलिया । सन १९९६ मा स्थापना भइ समुदायको हित परोपकारिता साथै गुरुङ्हरुको परम्परा र संस्कृतिको जगेर्ना गर्दै आइरहेको संस्था तमु समाज सिड्नीले बिगतका बर्षहरुमा झैं यस बर्ष पनि बिबिध कार्यक्रम सहित ल्होछार मनाउदैछ । आउँदो जनवरी ४ का दिन सिड्नी हर्सभिल मरना अडिटरियम हलमा सांझ  ५.०० बजेबाट तमू संस्कार, संस्कृति र परम्परा झल्किने बृहत सांस्कृतिक कार्यक्रमको साथमा रात्री भोज, शुभकामना आदानप्रदान साथ यस बर्षको ल्होछार मनाउन लागिएको तमु समाज सिड्नीका अध्यक्ष हिउपति गुरुङले  जनाएका छन् । गुरुङका अनुसार बौद्ध पुजाबाट सुरु हुने उक्त कार्यक्रममा अस्ट्रेलियामा रहेका चर्चित नेपाली कलाकारहरु बिबिध संस्कृतिक प्रस्तुतिहरु, डिजे धमाका र अन्य बिबिध कार्यक्रमहरु रहेको छ । कार्यक्रम सम्पन्न गर्नका लागि संस्थाले डिनर सहितको प्रति व्यक्ति टिकट दर पहिले नै किनेमा (प्रिबूक्ड) ४० डलर र सोहि दिन किन्न ( डोर सेल) ४५ डलर राखिएको छ ।