सिड्नी, अष्ट्रेलिया । २०१८ मा स्थापना भइ अष्ट्रेलियामा रहेका थारुहरु लाई एकताबद्द र भाइचारा कायम गर्दै, थारु कला संस्कृतिको जगेर्ना गर्दै आफ्ना चाड पर्बहरु मनाउदै आइरहेको  थारु सोसाइटी अफ अष्ट्रेलियाले पाचौ पटक बिबिध कार्यक्रम सहित थारू समुदायको महान चाड “माघी” पर्ब अष्ट्रेलियाको सिडनीमा हर्ष उल्लासका साथ मनाउदै छ । नेपाली समुदायका माझ चार वटा सफल माघी पर्ब भव्यता मनाइ सकेको सोसाइटीले यस पटकको कार्यक्रममा नेपालकै सर्वाधिक चर्चित गायीका अनु चौधरीलाई गेस्ट आर्टिष्टको रुपमा निम्ताएको छ।  गायीका अनु चौधरीले आफ्ना लोकप्रिय गितहरु सहित यो पटकको माघी उत्सबमय बनाउने सोसाइटीका तर्फबाट पब्लिक अफिसर अरुण आर्यन चौधरीले द नेपाली टाईम्स अष्ट्रेलियाको कुराकानीमा बताए।  चौधरीका अनुसार आउँदो १४ जनवरी मगलबार ( थारु सम्बत २६४८ )  माघ १ माघे संक्रन्तिका दिन साँझ ५ बजे देखि रात १० बजे सम्म रक्डेलको ईन्द्रेणी फंक्सन सेन्टरमा हुदैछ।
नेपालबाट बिशेष अतिथिको रुपमा आमन्त्रित गायिका अनु चौधरीको अलवा स्थानीय प्रतिभाहरु का बिबिध प्रस्तुतिहरु थारु रिति रिबज अनुसार लाठी नाच, झुमरा नाच, आदी नृत्य, थारू परिकार र खानपिन सहितको सो कार्यक्रममा उपस्थितिको लागि थारु सोसाइटी अफ अष्ट्रेलियाले सम्पूर्ण थारू समुदाय लगायत सबै नेपाली दाजु-भाई, दिदी-बैनीहरु लाई हार्दिक अनुरोध गरेको छ।
कार्यक्रम संबन्धि थप जानकारीका लागि अरुण आर्यण चौधरीलाई 0401435959  वा  संस्थाका अध्यक्ष दीप नारायण चौधरीलाई  0411688798 सम्पर्क गर्न अनुरोध गरिएको छ।