काभ्रेमा बस दुर्घटना हुँदा २५ को मृत्यु

-- ?>

Bus Accident_1

काठमाडौं- काठमाडौंबाट दोलालघाटको मादनकुदारीतर्फ जाँदै गरेको बा.३ ख १०६ नम्बरको यात्रुबाहक बस काभ्रेको बिर्तादेउरालीस्थित खहरेखोलामा सोमबार दिउँसो दुर्घटनाग्रस्त हुँदा २५ जनाको निधन भएको छ ।

घाइतेको उद्दारका लागि काठमाडौंबाट हेलिकप्टर मगाइएको छ । शवहरु भिरमा छरिएको र संकलन गर्ने काम भइरहेको एसपी बास्तोललो बताए । उद्दारमा खटिएका एक स्थानीयले मृतकको संख्या बढ्न सक्ने बताएका छन् ।

धुलिखेलबाट ५० किमी टाढा पर्ने खहरेखोलामा सडकबाट एकसय ५० मिटर मुनि खसेको थियो । ठुलो मानवीय क्षति भएको भन्दै प्रमुख जिल्ला अधिकारी बालकृष्ण पन्थी, जिल्ला प्रहरी प्रमुख राजेशनाथ बास्तोला घटनास्थल गएका छन् । दुर्घटनास्थलमा पानी परिरहेको छ ।

बसमा करिव ८० जना यात्रुहरु यात्रा गरिरहेका थिए ।