एसिया कप छनोटमा नेपालको दोस्रो जीत

-- नेपाली टाईम्स अष्ट्रेलिया ?>

काठमाडौं– एसिया कप छनोटअन्तर्गत अहिले भरखरै सम्पन्न चौथो खेलमा नेपालले सिंगापुरलाई ४ विकेटले पराजित गरेको छ । सिंगापुरले दिएको १ सय ५२ रनको लक्ष्य नेपालले २९ औं ओभरमा ६ विकेट गुमाएर प्राप्त गर्‍यो । नेपालका लागि अनिल शाहले सर्वाधिक ४३ को योगदान दिए भने दीपेन्द्रसिंह ऐरीले ३३ रन बनाए ।
त्यसअघि टस जितेर ब्याटिङ रोजेको सिंगापुरले ४२ ओभरमा सबै विकेट गुमाउँदै १ सय ५१ रनमात्र बनाउन सफल भएको थियो । नेपालका लागि स्पिनरद्वय सन्दीप लामिछाने र ललित नारायण राजवंशीले ३(३ विकेट लिएका थिए । सिंगापुरका चेतन सूर्यवंशीले सर्वाधिक ६० रन जोडेका थिए । प्रतियोगिताको सुरुआती दुई खेलमा ओमान र यूएईसँग पराजित नेपालले शनिबार मलेसियालाई हराउँदै पहिलो जित निकालेको थियो।