अर्को तर्फ प्रबासमा हुने नेपाली सांगेतिक कार्यक्रमहरु अझै परिस्कृत र प्रबिधिमैत्री ब्यबस्थापन हुन नसकेको गुनासोलाई यस पटकको नेपथ्यको कन्सर्टले एउटा थप उचाई दिएको छ र सम्पूर्ण टिकट अनलाइनबाट बिक्रि गरेरे नयाँ प्रयोगको इतिहास रचेको छ। नेपाली टच अष्ट्रेलियाको आयोजना र नेपालयका टिकट बिक्रि ब्यबस्थापनमा जुरेको यो एतिहासिक अवसरको प्रत्यक्षदर्शी करिब २९ सय नेपाली संगीतप्रेमीहरु ले उक्त साँझ मन भरि भरि नेपाली संगीतमा आफुलाई डुबाउने अवसर पाए ।

मनोरन्जनको साथै आफ्ना हर गीत अनि त्यस पछाडीका सन्देशहरु युवा बर्गलाई देश प्रतिको माया, शिक्षाको महत्व र परोपकारी समाजको अबधाराणाका सन्देशहरु दिन नछुटाउने नेपथ्यका मुख्य गायक अमृत गुरुङ्गले दर्शकहरु को फेरि मन जिते, आफु संगै सबैलाई नचाए । देशको परिस्थिति जे होस्, हामि जँहा रहुँ नेपाली भाषा र संस्कृतिलाई नभुल्न लेकाली पारामा र आफ्नै शैलीमा जब अमृत गुरुङ्गले  ‘”ल है आफ्नो भाषालाई माया गरूँ है ……. ” भन्दै गर्दा अरु तिन हजार स्वरहरु एकाकार भएर हो मा हो मिलाए । यस भन्दा आगाडी पनि नेपथ्यलाई अष्ट्रेलिया सम्म ल्याएर सफल कार्यक्रम गरिसकेको नेपाली टच अष्ट्रेलियाले यस पटक सिड्नी र अन्य शहरहरु मा सम्पन्न सबै कन्सर्टहरु बाट आयोजकको रुपमा आफुहरु निकै उत्साहित र खुशी भएको नेपाली टचका राज के. गोस्वामीले बताए ।  गोस्वामीले अगाडी भने- ‘सम्पूर्ण टिकट अनलाईन बिक्रि भई हाउसफुल सहित कन्सर्ट सम्पन्न भएको छ, यसको मुख्य कारण भनेको यहाँका सभ्य र अनुशासित दर्शकले नेपथ्यलाई दिएको माया हो, सम्मान हो यसले हामी आयोजक टिम पनि नतमस्तक छौ र सबैलाई धन्यवाद दिन चाहन्छौं।’

सिड्नीको यो एतिहासिक कन्सर्ट भन्दा आगाडी अष्ट्रेलियाका छ भिन्न शहरहरुमा आफ्नो प्रस्तुति दिइसकेको नेपथ्यले अष्ट्रेलियाको यो लामो सांगेतिक टुरको अन्तिम कार्यक्रम डिसेम्बर २३ मा मेलबर्नको ‘द पाम्स एट क्राउन’ मा समापन गर्दैछ।