सनसनी मच्चाएर फर्किए सन्दीप
सिड्नी–अष्ट्रेलियामा जारी विग बासको सुरुवाती चार खेलमा सनसनीपूर्ण प्रर्दशन गरेर नेपाली क्रिकेटर सन्दीप लामिछाने बँगलादेश तर्फ लागेका छन् । बँगलादेश प्रिमिएर लिगमा सहभागिता जनाउन उनी बुधबार मेलर्वनबाट सिधै त्यसतर्फ लागेका हुन् । विग बासमा अनुबन्धन हुनुअघि विपिएलमा छनौट भएका कारण उनी विग बासको बाँकी खेललाई बीचमै छाड्न बाध्य भएका थिए । मंगलबार मेलर्वन स्र्टासबाट मेलर्वन रेनेगेड्स बिरुद्ध उनले ४ ओभरको बलिङमा ३१ रन खर्चेर १ विकेट लिएका थिए । यससँगै उनले ४ खेलबाट ८ विकेट लिएका छन् । यहि प्रतियोगितामा नेपाली क्रिकेटर सन्दीप लामिछानेले सनसनीपूर्ण प्रर्दशन गरिरहेका छन् । १८ बर्षीय नेपाली लेग स्पिनर सन्दीप एकबर्ष यता विश्व क्रिकेटको सबैखाले प्रतियोगितामा सहभागिता जनाइसकेका छन् । तैपनि, विग व्यास उनको सपनाको प्रतियोगिता थियो । अष्टे«लियन क्रिकेटका पूर्व कप्तान माइकल क्लार्कको निरन्तर साथ पाएका उनले दुई बर्षअघि हङकङमा आयोजित प्रतियोगितामा क्लार्कका टिमबाट खेल्ने मौका पाएका थिए । सोही खेलबाट प्रभावित लामिछानेलाई त्यसयता क्लार्कले महत्वपूर्ण साथै दिदै आएका छन् ।
हङकङ प्रतियोगितापछि क्लार्कसँगै सञ्चारकर्मीलाई प्रतिक्रिया दिने क्रममा उनले आफ्नो सपना ‘विग व्यास’ खेल्ने रहेको प्रतिक्रिया दिएका थिए । सन्दीपलाई फ्रेन्चाइच टिम स्टार्सले जारी सिजनका लागि ६० हजार अष्टे«लियन डलर (करिब नेपाली ६० लाख रुपैयाँ) मा अनुबन्धन गरेको थियो । सिड्नी थन्र्ड्स बिरुद्ध डेब्यू गरेका सन्दीपले टि–२० संरचनाका सफल खेलाडी शेन वाटसन र क्यालम फर्गुसनको विकेट लिए । वाटसन थन्र्ड्सका कप्तान पनि हुन् । ४ ओभरको बलिङमा ३६ रन दिएर २ विकेट लिएका सन्दीपले दोश्रो खेलमा अझ सुधारिएको र सनसनीपूर्ण खेल पस्किए । होबर्ट हरिकेन्स विरुद्ध ४ ओभरकै बलिङमा २४ रन दिएर महत्वपूर्ण ३ विकेट लिए । तेस्रो खेलमा सिड्नी सिक्सेस विरुद्ध जम्मा १८ रन खर्चेर २ विकेट लिएपछि सन्दीपको चर्चा अहिले अष्टे«लियामा मात्रै सीमित छैन । विश्वभरका क्रिकेट हस्तीले उनलाई बधाइ दिएका छन्, सामाजिक सञ्जालमा ‘फ्लो’ गरेका छन् । लिगमा सन्दीपको डेब्यू र सनसनीपूर्ण प्रर्दशनबाट सबैभन्दा बढी खुशी नेपाली क्रिकेट र समर्थक भएका छन् । सँगै अष्टे«लियन क्रिकेटका पूर्व कप्तान क्लार्क अझ बढी खुशी छन् । उनले सामाजिक सञ्जालमा सन्दीपको फोटो पोष्ट गर्दै लेखेका छन्, ‘तिम्रो खेल प्रतिभामा मलाई कुनै शंका थिएन् । परिश्रम गर्नेहरुको सपना साकार हुन्छन्, बधाइ मित्र ।’
जहाँ जाऔँ, उस्तै समर्थक
अष्टे«लियामा अध्ययन र रोजगारका सिलसिलामा आउने नेपाली समुदायको सँख्या ६० हजार नाघिसकेको छ । मूख्य शहरमा नेपाली समुदायको बाक्लो बशोवाश छ । त्यसैले सन्दीप जुन ठाउँमा गएर खेलेपनि नेपाली समर्थकको भरपुर साथ पाउँदै आएका छन् । मेलर्वन, क्यानेवरा र सिड्नी गरि तीन फरक–फरक स्थानमा खेलिएको खेलमा सन्दीपलाई हौसला दिन थुप्रै नेपालीहरु नेपाली राष्ट्रिय झण्डा सहित मैदान पुगेका थिए ।
‘सन्दीप मात्र यस्ता विदेशी खेलाडी हुन्, जो जारी लिगमा सबैभन्दा बढी फ्यान फलोइङ छन्’, चर्चित क्रिकेट साइटले लेखेको छ । सन्दीप आबद्ध मेलर्वन स्र्टासले पनि सन्दीपले समर्थकलाई अभिभादन गरेको, प्रत्यक्ष भेटेको जस्ता फोटो र भिडियोहरु निरन्तर प्रकाशित गरिरहेको छ । सिड्नीमा सबैभन्दा बढी समर्थक देखेपछि खेल समाप्ति लगत्तै उनले ट्विट गरेका छन्, ‘सिड्नीले मलाई सधैँ मायाँ दिएको छ, आज जसरी । धन्यबाद सबै जनालाई ।’
एकबर्षमा आधा दर्जन विदेशी लिग
सन्दीपले एकबर्षमा आधा दर्जन विदेशी व्यवसायिक लिग खेलीसकेका छन् । विग व्यासमा सहभागिता जनाउनुअघि उनले इन्डियन प्रिमियर लिग, क्यारेबियन प्रिमियर लिग, ग्लोबल टि–२० लिग क्यानडा, अफगानिस्तान प्रिमियर लिग र युएईमा टि–१० प्रतियोगितामा सहभागिता जनाइसकेका छन् ।
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...
इलाम– इलाम–२ मा मतगणनाको पछिल्लो परिणाम अनुसार नेकपा एमालेका सुहाङ नेम्वाङले ११...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
What you may anticipate when dating local bi-sexuals When dating local bi-sexuals, it’s...
Are you currently worried your partner...
काठमाडौं- नेपालले आगामी महिना अमेरिका र वेष्टइण्डिजमा हुने आईसीसी टी–२० विश्वकपका लागि...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...