तँ आए पछि कोरना आयो
सरकारी अस्पतालको प्रयोगशालामा कार्य गर्ने शिलशिलामा मेरो एउटा अस्पतालको शूक्ष्म विज्ञान (Microbiology) प्रयोगशालाबाट अर्को अस्पतालको Virology Department मा मेरो सरुवा २०२० को शुरुमा भयो । जुन अस्पतालमा म सरुवा भएर जाँदै थिएँ मेरो मनमा दुईवटा कुराले साह्रै हर्षित र अलिअलि गम्भीर बनाएको थियो । म साह्रै हर्षित यो मानेमा थिएँ कि अव घरबाट नजिक अनि दिनमा मात्र काम गर्न पाइने, छोरा र बुढी सँग बसेर दैनिक बेलुकाको खाना खान पाइने । अलि अलि गम्भीर मेरो लागि अस्पतालमा पनि नयाँ र विभाग पनि नयाँ मलाई धेरै ज्ञान नभएको, तर भित्र मेरो उत्सुक्ता र नयाँ काम सिक्न नडराउने बानिले भित्र भित्र गदगद नै थिएँ ।
मैले जनवरीको ६ बाट काम सुरु गर्ने भए जुन क्रिसमस र नयाँ वर्ष पछिको पहिलो सोमबार थियो । मेरो पहिलो साता मान्छे चिन्ने र त्यहाँको Information System जान्ने मै गयो । दोस्रो साता पहिलो दिन जनवरी १३ मा विभागीय प्रमुख आएर वुहान भाइरसको बारेमा थोरै भनेर जानुभयो ( शुरु शुरुमा कोरना भाइरसलाई वुहान भाइरस भनिन्थ्यो ) तर हामीले खासै त्यति ध्यान दिएनौ र हाकिम साबको अनुहारमा पनि त्यती गम्भीरता पाएनौं । अर्को साता विज्ञ डाक्टरहरुबाट कोरोना भाइरस सम्बन्धी सेमिनार भयो । जनवरी भरी सेमिनार वर्कसप यो त मेरो लागि रमाइलो थियो । जाने, मिटिङ्गमा बस्ने कुरा सुन्ने । मलाई मेरो सुपरभाइजरले कहिलेकाहीँ कोरोना यहाँ तैंले लेराइस भनेर जिस्काउँथे पनि किनभने जव म त्यो ल्यावमा आएँ कोरोनाको कुरा सुरु भयो ।
जव फेब्रुअरीमा एउटा दुईवटा केस पोजेटिभ देखिन थाल्यो पुरै अष्ट्रेलियाको ध्यान कोरोनाले खिच्यो । त्यसबेलामा प्राइभेट ल्यावहरु ले टेष्ट सुरु गरेका थिएनन् । न्यु साउथ वेल्थमा सुरु गर्ने मैले काम गर्ने अस्पताल मात्र थियो । फेब्रुअरीको मध्यबाट नमूनाहरु निकै बढ्न थाल्यो सबैको ध्यान नमूनाको रिजल्ट छिटो दिनेमा नै केन्द्रित हुन थाल्यो । दिनको एउटा दुईवटा पोजेटिभ आउन थाल्यो । जुन ठाउँबाट पोजेटिभ देखिन्छ त्यहाँको स्कुल बन्द हुने हुन थाल्यो तर सार्वजनिक यातायात यथावत चल्यो ।
मार्चको पहिलो साताबाट कोरोना संक्रमित ह्वात्तै बढे । सरकारले धेरै कुरामा प्रतिबन्ध लगायो तर स्कुल भने चलिरह्यो । घरमै बसेर काम गर्नेहरु बढ्न थाले होटेल, रेस्टुरेन्ट व्यवसाय प्रायः बन्द भए तर सरकारले रोजगार गुमाएकाहरु लाई विभिन्न तरिकाबाट पैसा दिने साथै जसले घर किनेर बसेका छन् उनीहरुलाई सावाँ-व्याज ६ महिनासम्म तिर्न नपर्ने बन्दोबस्त मिलाईदियो । मेरो बुढीको पनि करिव दुई महिना काम भएन । तर म बबुरो भने दैनिक काममा जाने तर सार्वजनिक यातायात बन्द नभएकाले मलाई जान आउन समस्या थिएन । प्रायः सडकमा मान्छे देखिन छाडे । रेलको डब्बामा म मात्रै पनि भएँ । मेरो छोराको हरेक दिन बेलुका एउटा मात्र प्रश्न हुने गर्थ्यो सबैको बुबा घरमा बसेर हुने तपाई मात्र किन जानु पर्यो । विचरा सात वर्षको छोरालाई के भनेर मात्र बुझाउने उस्को बुबा कोरोना भाइरस ल्याबका काम गर्छ भनेर । धेरै जनाले जागिर गुमाएको खबर आउदै गर्दा पनि पनि आफ्नो भने ओभर टाइम गर्नु पर्थ्यो ।
अप्रिलको शुरुमा अष्ट्रेलिया भरी छ हजार भन्दा बढी संक्रमितहरु देखिए । यहाँको सरकार जनताको स्वास्थ्य प्रति संधै चनाखो थियो । प्रत्येक दिन प्रधानमन्त्री र स्वास्थ्य मन्त्रीबाट अपडेट भइ नै रह्यो । सरकारले आफ्नो नागरिकलाई आर्थिक संकट नपरोस भनेर तलबबाट संचयकोषको दुईपटक गरेर बीस हजार डलरसम्म झिक्न सक्ने बनायो । सबै ठाउँमा सोसल डिस्टेन्स मेन्टेन भएको नभएको सरकारले राम्रो अनुगमन गर्यो । साधारण रुघाखोकी लागे पनि घरमै सेल्फ क्वारेन्टाइन बस्नु पर्ने नियम धेरै उपयोगी भयोे ।
मे को दोस्रो हप्तामा धेरै जसो केस नेगटिभ आउन थाल्यो सरकारले पहिला लगाएका बिबिध बन्देजहरु लाई खुकुलो बनायो । मेरो बुढीको काम पनि सुचारु हुन थालिसक्यो, छोराको स्कुल पनि शुरु भइसकेको छ । करिव-करिव पहिलेकै रुटिङ्गमा जीवन यापन शुरु भएको छ। अष्ट्रेलिया एउटा छुट्टै महादिप भएको कारणले पनि कोभि-19 संग लड्न अष्ट्रेलियालाई धेरै सहज भएको पक्कै हो । तर यहाँको सरकारको निगरानी, जवाफदेहिता र जनताको नियमपालनामा अनुशासनका कारण आज अष्ट्रेलिया लगभग कोरोना मुक्त भएको छ ।
(लेखक सिड्नी अष्ट्रेलियाको सरकारी अस्पतालमा ल्याव टेक्नोलोजिस्ट हुनुहुन्छ )
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
काठमाडौं- कक्षा–१२ को परीक्षा आजदेखि देशभर एकैसाथ सुरु हुँदैछ । राष्ट्रिय परीक्षा...
काठमाडौं– नक्कली भुटानी शरणार्थी प्रकरणमा थुनामा रहेका निलम्बित सांसद टोपबहादुर रायमाझीलाई सर्वोच्च...
काठमाडौं- वैशाख १२ को विनाशकारी गोरखा भूकम्पको आज ९ वर्ष पूरा भएको...
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
What are the great things about dating with apps for milfs? there are...
Meet singles with craigslist sebring fl personals Craigslist is outstanding resource for singles...
Find your perfect big booty match today Looking for a big booty date?...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...