अष्ट्रेलियाबाट आयो नेपाली गीति एल्बम ‘अल्टो’
सिड्नी— अष्ट्रेलियामा बसोबास गर्ने नेपाली संगीतकर्मीहरुको ब्याण्ड ‘अल्टो’ ले आफ्नो पहिलो एलबम ‘अल्टो—अ म्युजिक जर्नी’ अष्ट्रेलियामै सार्वजनिक गरेको छ । अष्ट्रेलियाको सिड्नी तथा मेलबर्नमा बसोबास गर्ने नेपाली युवा संगीतकर्मीहरुको यो ब्याण्डले सिड्नीमा आयोजित एक सांगीतिक समारोहमा यो एल्बम सार्वजनिक गरेको हो । विमोचन समारोहमा अष्ट्रेलियाकै सांगीतिक समुह ‘सिड्नी प्रोजेक्ट इन ब्लूम (पिआईबि) का तीन जना लोकप्रिय संगीतकर्मीहरु पनि उपस्थित थिए । विमोचन समारोहको क्रममा ‘अल्टो’ ब्याण्डका संगीतकर्मीहरुले लाइभ कन्सर्ट समेत दिएका थिए ।
सन् २०१० मै स्थापना भएको यो ब्याण्डमा छ जना संगीतकर्मीहरु छन् । ब्याण्डमा लबिन बर्देवा गायकको रुपमा सक्रिय छन् भने अमित थापा, सुशिद्ध तण्डुकार तथा सन्देश परियार गिटारिष्ट हुन् । उनीहरु मध्ये अमित, सुशिद्ध तथा सन्देश ब्याक भोकलिष्ट पनि हुन् । शरद गुरुङ भने ब्याण्डमा ड्रमरको रुपमा सक्रिय छन् । केनपी भने किबोर्डिष्टको रुपमा आवद्ध छन् । उक्त एल्बमका सम्पूर्ण गीतहरुमा ब्याण्डकै संगीतकर्मीहरुको शब्द तथा संगीत सुन्न सकिन्छ ।
विमोचित एल्बममा आठ वटा गीतहरु समावेश गरिएका छन् । ‘रमाइलो वातावरण’, ‘कोशिश’, ‘जय नेपाली’, ‘बसी बियाँलो’, ‘हेर न मलाई’, ‘आरध्य’, ‘समय’ तथा ‘हाम्रो’ आवाज शीर्षकका गीतहरु पप शैलीमा आधारित छन् ।
सन् २०१० मा दुई जना संगीतकर्मीहरु अमित थापा तथा लबिन वर्देवाको भेट भएपछि यो ब्याण्डको जन्म भएको हो । अष्ट्रेलिया पुगेको दश वर्षपछि उनीहरुको भेट भएको थियो । समुहले प्रारम्भमा मोर्डन अल्टरनेटिभ तथा लोक शैलीका गीतहरु सिर्जना गर्यो । ब्याण्डले आफ्नो पहिलो एल्बम सन् २०१४ को अप्रिल महिनामा रेकर्ड गरेको थियो, जसमा ८ गीत समावेश थिए ।
समुहका मुख्य गायक लबिन बर्देवा भन्छन्—‘हामीले दश वर्षको कडा परिश्रमपछि यो एल्बम तयार पार्न सफल भएका हौं । वास्तवमा विदेशी भूमिमा रहेर नेपाली भाषाका गीतहरुको एल्बम तयार पार्नु आफैंमा एउटा चुनौती थियो । हामी दुई भिन्न शहरमा बसोबास गर्ने भएकाले पनि गीत तयार पार्न समस्या झेलेका छौं ।’ ब्याण्डका अर्का सदस्य सुशिद्ध भन्छन्—‘हामी ब्याण्डका सदस्यहरुमा संगीतको आ–आफ्नो विशिष्ट ज्ञान छ, त्यो ज्ञानले हाम्रो एल्बम सांगीतिक रुपले आकर्षक बनेको कुरामा दुई मत छैन ।’
एल्बमका गीतमा समसामयिक आधुनिक संगीतदेखि परम्परागत लोक धुन समेत सुन्न सकिन्छ । ब्याण्डका अर्का सदस्य भन्छन्—‘हामीलाई नेपाली लोक शैली मनपर्छ जसले नेपालका पहाड तथा गाउँको भावनालाई टपक्क टिपेको होस् ।’ ब्याण्डका ड्रमर शरद भन्छन्—‘हामीले गीतका शब्दमा पनि उत्तिकै मेहनत गरेका छौं । गीतमा हामीले हाम्रै जीवन तथा परिवेशका कुरा समावेश गरेका छौं ।’
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...
इलाम– इलाम–२ मा मतगणनाको पछिल्लो परिणाम अनुसार नेकपा एमालेका सुहाङ नेम्वाङले ११...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
काठमाडौं- कक्षा–१२ को परीक्षा आजदेखि देशभर एकैसाथ सुरु हुँदैछ । राष्ट्रिय परीक्षा...
काठमाडौं– अर्थमन्त्री वर्षमान पुनले तेश्रो अन्तर्राष्ट्रिय लगानी सम्मेलन–२०२४ भव्य रुपमा सफल भएको...
काठमाडौं- विगत चौबिस घण्टामा २२ जिल्लाका ६७ स्थानमा डढेलोले क्षति पुगेको छ...
इलाम– इलाम–२ मा मतगणनाको पछिल्लो परिणाम अनुसार नेकपा एमालेका सुहाङ नेम्वाङले ११...
What are the great things about dating with apps for milfs? there are...