काठमाडौं—प्रधानमन्त्री पुष्पकमल दाहालले भारतको गोवामा सम्पन्न ब्रिक्स–बिम्स्टेक विस्तारित बैठकबारे आफ्नो दल नेकपा (माओवादी केन्द्र) संसदीय दलमा जानकारी गराएका छन् । प्रधानमन्त्री दाहालले गत अक्टोबर १५ देखि १७ सम्म जारी सम्मेलनमा नेपालले खेलेको भूमिका, छिमेकी मुलुक चीन तथा भारतका सरकार प्रमुखसंगको भेटबारे जानकारी गराएका हुन् ।
उक्त दलका नेता टोपबहादुर रायमाझीले प्रधानमन्त्री तथा पार्टी अध्यक्ष दाहालले गोवा सम्मेलन र त्यसबारे उठेका विभिन्न टिप्पणीबारे स्पष्ट पारेको पत्रकारलाई जानकारी दिएका छन् ।
प्रधानमन्त्री दाहाल र चीन तथा भारतका सरकार प्रमुखको संयोगवश भएको अनौपचारिक भेटलाई त्रिपक्षीय वार्ता सन्देश प्रवाह भएपछि विभिन्न टिप्पणी उठेको थियो ।

यसै सन्दर्भमा प्रधानमन्त्री दाहालले आज व्यवस्थापिका–संसदमा सम्बोधन गर्ने कार्यक्रम छ । बैठकमा उक्त दलबाट सरकारमा सहभागी मन्त्रीहरुका कामबारे पनि समीक्षा भएको थियो ।