अमेरिकी गुप्तचरको ठोकुवाः पुटिनले ट्रम्पलाई सहयोग गरेकै हुन्
गत वर्षको नोभेम्बरमा सम्पन्न अमेरिकी राष्ट्रपतीय निर्वाचनमा उम्मेदवार डोनाल्ड ट्रम्पलाई जिताउन रुसका राष्ट्रपति भ्लादिमिर पुटिनको इसारामा रुसले गोप्य सहयोग गरेको भनी ठोकुवा गर्दै अमेरिकी गुप्तचर निकायहरुले गतःशुक्रबार प्रतिबेदन बुझाएका छन् ।
उक्त प्रतिवेदनले उम्मेदवार हिलारी क्लिन्टनलाई घात गर्दै निर्वाचन प्रक्रिया नै प्रभावित हुने गरी ट्रम्पको पक्षमा राष्ट्रपति पुटिनले एक गुप्त विस्तृत साइबर अभियान नै चलाउन व्यक्तिगत रुपमै आदेश दिएको खुलासा गरेको छ । अमेरिकी गुप्तचर निकायहरुका प्रमुखहरुले नवनिर्वाचित राष्ट्रपति ट्रम्प, ह्वाइट हाउस तथा अमेरिकी काँग्रेसलाई भेटेर आफ्ना निष्कर्ष प्रस्तुत गर्दै सो प्रतिबेदन गतः शुक्रबार औपचारिक रुपमा हस्तान्तरण गरेपश्चात् उक्त प्रतिबेदनको केही अंश सार्वजनिक गरिएको हो । मूल प्रतिवेदनमा रुसले कहाँबाट, के, कसरी साइबर अभियान चलाई निर्वाचनलाई प्रभावित बनाएको हो सो सबैको विस्तृत विवरण उल्लेख गरिएको बताइएको छ ।
यस अतिरिक्त, सो प्रतिबेदनमा क्रेमलिनले स्पष्टरुपमा ट्रम्पलाई अमेरिकी राष्ट्रपतिको पदमा आसिन हुन रुचाएको, प्रजातन्त्रप्रति अमेरिकी जनताको विश्वासमा ठेस पुर्याउनु, हिलारी क्लिन्टनलाई घात गरी उनको बदनाम गर्नु, उनको विजयी हुने सम्भावनामा वाधा सिर्जना गर्नु इत्यादि रुसको उद्देश्य रहेको पनि उल्लेखित छ । अनगिन्ती पृष्ठसङ्ख्या रहेको मूल विस्तृत प्रतिबेदन बुझिलिने सबैले यसलाई गोप्य राखेका छन् । हाल सार्वजनिक भएको पच्चीस पृष्ठको निचोड उक्त मूल प्रतिबेदनको एक अंश मात्र हो । यसबारे तत्कालै एक प्रतिक्रिया दिँदै नवनिर्वाचित राष्ट्रपति ट्रम्पले अमेरिकी निर्वाचन प्रभावित हुनेगरी रुसले हस्तक्षेप गरेको भन्ने आरोप लगाएनन् । साथै निर्वाचन परिणाम प्रभावित भएको भन्ने आरोप पनि स्वीकारेनन् ।
यसअघि पनि अमेरिकी अधिकारीले डेमोक्र्याटिक पार्टीका इमेलहरु ह्याक हुनुका पछाडि रुसको हात रहेको, त्यसको मुख्य उद्देश्य हिलारी क्लिन्टनलाई विफल तुल्याउनु हो भनी बारम्बार ओबामा प्रशासनलाई सजग तुल्याइरहेका थिए । रुसी ह्याकिङ्गबारे अमेरिकी गुप्तचर निकायले प्रस्तुत गरेका मौखिक वा लिखित प्रतिवेदनउपर आफू विजयी भएपछि ट्रम्पले प्रश्न उठाउँदै आएका थिए ।
त्यस्तै, अमेरिकी गुप्तचर निकायका प्रमुखहरुले अमेरिकी प्रशासन अब पनि मौन बस्ने हो भने अमेरिका वा विशेषतःअमेरिकी मित्रराष्ट्रका भबिष्यमाआउने कुनै पनि महत्वपूर्ण गतिविधि वा घटनालाई रुस वा विश्वका अन्य कुनै पनि मुलुकले यसैगरी ह्याकिङ्ग गरी आफूले चाहेजस्तो मोडमा पुर्याइ त्यसबाट लाभ उठाउन सक्ने बताएका छन् । यस्तो क्रियाकलापले अमेरिका वा अमेरिकी मित्रराष्ट्रलाई भने जहिले पनि आघात हुने भनी सचेत पारेका छन् । रासस-एपी
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
काठमाडौं- कक्षा–१२ को परीक्षा आजदेखि देशभर एकैसाथ सुरु हुँदैछ । राष्ट्रिय परीक्षा...
काठमाडौं– नक्कली भुटानी शरणार्थी प्रकरणमा थुनामा रहेका निलम्बित सांसद टोपबहादुर रायमाझीलाई सर्वोच्च...
काठमाडौं- वैशाख १२ को विनाशकारी गोरखा भूकम्पको आज ९ वर्ष पूरा भएको...
काठमाडौं– वेस्ट इन्डिजले नेपाल टूरमा आउने ए टिमको छनौट गरेको छ ।...
काठमाडौं– फेशन नेटवर्क नेपालले नेपालमै पहिलो पटक तीन दिने ‘नेपाल फेसन फेस्टिभल’...
काठमाडौं- कक्षा–१२ को परीक्षा आजदेखि देशभर एकैसाथ सुरु हुँदैछ । राष्ट्रिय परीक्षा...
Kann dein Verbindung Dysfunktionell fantastisch? Plain ol ‘beeinträchtigt Verbindungen...
ein Kuss ist mehr als Drücken Mund. Deshalb behauptet Sheril...
काठमाडौं– नक्कली भुटानी शरणार्थी प्रकरणमा थुनामा रहेका निलम्बित सांसद टोपबहादुर रायमाझीलाई सर्वोच्च...