भट्टराई पहिलो पटक निर्वाचित हुँदा कोइराला हारे

-- नेपाली टाईम्स अस्ट्रेलिया ?>

काठमाडौं– नेकपा एमालेका केन्द्रीय सचिव योगेश भट्टराई ताप्लेजुङबाट प्रतिनिधिसभा सदस्य निर्वाचित भएका छन् । भट्टराईले २९,४७९ मत प्राप्त गरेका छन् भने उनका निकटतम् प्रतिद्वन्द्वी नेपाली कांग्रेसका केशव दाहालले १६,८८८ मत प्राप्त गरे । भट्टराई संसदीय निर्वाचनमा पहिलोपटक निर्वाचित भएका हुन् । यसअघि उनी संविधान सभाको निर्वाचनमा काठमाडौंबाट दुई पटक पराजित भएका थिए ।
उता मोरङको क्षेत्र नम्बर ६ मा नेपाली काँग्रेसका प्रकाश कोइराला एमालेका लालबाबु पण्डितसंग पराजित भएका छन् । मोरङ क्षेत्र नम्बर ६ बाट एमाले उम्मेदवार लालबाबु पण्डित प्रतिनिधि सभा सदस्यमा विजयी भएका छन् । उनले कांग्रेस नेता शेखर कोइरालालाई ६ सय ७५ मतान्तरमा पराजित गरेका हुन् ।
पण्डितले ३३ हजार ९ सय ४१ मत पाए भने कोइरालाले ३३ हजार २ सय ६६ मत पाए ।
मोरङ ३ मा पनि एमाले उम्मेदवार भानुभक्त ढकाल विजयी भएका छन् ।