रोकियो रानीपोखरी पुन:निर्माण

-- नेपाली टाइम्स अस्ट्रेलिया ?>

काठमाडौं– विवादास्पद बन्दै गएको काठमाडौंको मुटुमा रहेको रानीपोखरीको पुन:र्निर्माण कार्य दुई साताका लागि स्थगित भएको छ ।
काठमाडौं महानगरपालिका, पुनः निर्माण प्राधिकरण तथा पुरातत्व विभागका पदाधिकारीको संयुक्त बैठकले पुनः निर्माण स्थगित गर्ने निर्णय गरेको हो ।
कंक्रिटको प्रयोगले विवाद निम्त्यापछि बिहिबार बसेको बैठकले पुनः निर्माणको अध्ययन गरी १५ दिनभित्र सुझाव सहितको प्रतिवेदन पेश गर्न समिति गठन गरेको छ ।
समितिमा संयोजक पुरातत्व विभागका पूर्वमहानिर्देशक विष्णुराज कार्की सहित ११ सदस्य छन् ।
बैठकले समितिको प्रतिवेदन पेस भई अर्को निर्णय नआउँदा सम्मका लागि पुनःनिर्माणको काम स्थगित गर्ने निर्णय गरेको हो ।