डा.केसीलाई अदालत पुर्‍याइयो

-- नेपाली टाइम्स अस्ट्रेलिया ?>

काठमाडौं– अदालतको अवहेलना मुद्दामा सोमबार साँझ अनसनस्थलबाटै पक्राउ परेका डा. गोविन्द केसीलाई बयानका लागि प्रहरीले सर्वोच्च अदालतमा उपस्थित गराएको छ ।
अदालतको अवहेलना गरेको भन्दै डा.केसीलाई बयानका लागि उपस्थित गराउन सर्वोच्चले आदेश दिएपछि डा.केसीलाई प्रहरीले पक्राउ गरी प्रहरी वृत्त सिंहदरवारमा राखेको थियो ।
सर्वोच्च अदालतले चिकित्साशास्त्र अध्ययन संस्थानबाट बर्खास्त गरिएका डिन डा। शशि शर्मालाई पुनर्बहाली गर्न आदेश दिएको विरोधमा डा= केसीले सोमबारदेखि अनसन थालेका थिए ।
डा।केसीले प्रधानन्यायाधीश गोपालप्रसाद पराजुलीको राजीनामा माग गर्दै अनशन बसेलगत्तै अदालतमा मुद्दा दायर भएको थियो ।
यसैबचि डा. केसीको पक्राउको विरोधमा मंगलबार बिहान माइतीघर मण्डलामा प्रदर्शन भएको छ । बिहान ८ बजेदेखि नै राजनीतिक दलका नेता, पेसाकर्मी, कलाकार, विद्यार्थी तथा केसी समर्थकले प्रदर्शन गरेका हुन् । प्रदर्शनमा नयाँ शक्ति पार्टीका संयोजक तथा पूर्वप्रधानमन्त्री बाबुराम भट्टराई, पूर्वस्वास्थ्यमन्त्री गगन थापा, विवेकशील साझा पार्टीका नेता रविन्द्र मिश्रलगायतको उपस्थिति थियो ।