नेपाल र चीनबीच विभिन्न सम्झौतामा हस्ताक्षर

-- ?>

काठमाडौं— नेपाल र चीनबीच यातायात, पारवहन, स्वतन्त्र व्यापार तथा ऋण सहायता सम्बन्धि महत्वपूर्ण सम्झौता भएको छ । चीन भ्रमणमा रहेका प्रधानमन्त्री केपी शर्मा ओली तथा चीनका अधिकारीहरुबीच यस्तो सम्झौता भएको हो ।
नेपाल र चीनबीच यातायात—पारवहन सम्झौता भएको छ । सोमबार बिहान भएको द्विपक्षिय छलफलमा नेपाल र चीनबीच स्वतन्त्र व्यापार सम्झौता पनि भएको छ । सोमबार नै भएको छलफलमा चीनले नेपालमा ३२ हजार घरधुरीलाई सौर्य बत्ति जडान गरिदिने भएको छ ।
यसका साथै चीनले नेपाललाई सहुलियत ऋण प्रदान गर्ने चीन भ्रमण टोली स्रोतले जनाएको छ । पोखरामा निर्माण हुन लागेको विमानस्थलका लागि ऋण सम्झौता भएको हो । यसबाहेक चीनले नेपालमा ग्यास तथा तेल अन्वेषणमा सहयोग पुर्‍याउने प्रतिवद्धता जनाएको छ । त्यस्तै हिल्सा पुल निर्माण गर्न पनि चीनले सहयोग गर्ने कुरामा सहमति भएको छ ।
नेपाल तथा चीनबीच भएका द्विपक्षिय छलफल र सम्झौताको संयुक्त वक्तव्य निकाल्ने तयारी पनि भइरहेको छ । साताव्यापी चीन भ्रमणमा रहेका प्रधानमन्त्री ओलीलाई चीनमा भव्य स्वागत र सम्मान गरिएको छ । उनलाई तोप पड्काएर सलामी दिइएको समाचारहरुमा जनाएको छ ।