प्रदेश प्रमुखको कार्यालयमा खटे कर्मचारी

-- नेपाली टाइम्स अस्ट्रेलिया ?>

काठमाडौं– सामान्य प्रशासन मन्त्रालयले सातवटै प्रदेशमा प्रदेश प्रमुखको कार्यालय सञ्चालन गर्नका लागि कर्मचारी खटाएको छ । मन्त्रालयले यसअघि कार्यालय सञ्चालन गर्न सहसचिव पठाइसके पनि आइतबारदेखि अन्य कर्मचारी खटाइएको मन्त्रालयका प्रवक्ता शिवराम न्यौपानेले जानकारी दिएका छन् ।
न्यौपानेका अनुसार १८ जना कर्मचारीका दरले सातवटै प्रदेश प्रमुखको कार्यालयमा कर्मचारी खटाइएको छ ।
आइतबार पत्र दिएर अन्य कर्मचारीलाई सम्बन्धित प्रदेश प्रमुखको कार्यालय सञ्चालन गर्न पठाएका छौं, न्यौपानेका अनुसार ती कर्मचारी सोमबारसम्म पुगी कार्यलय सुचारु गरिनेछ । खटिइएका कर्मचारीमा दुई उपसचिव, सात शाखा अधिकृत, दुई नायब सुब्बा, एक कम्प्युटर अपरेटर, तीन कार्यालय सहयोगी र दुई जना सवारी चालक छन् ।
यसअघि मन्त्रालयले प्रदेश प्रमुखको कार्यालय सञ्चालनका लागि प्रदेश नं १ मा रामकृष्ण गुरागाईँ, प्रदेश नं २ मा लावण्यकुमार ढकाल, प्रदेश नं ३ मा चर्तुभुज ज्ञवाली, प्रदेश नं ४ मा देवीप्रसाद ज्ञवाली, प्रदेश नं ५ मा सनतकुमार दुवाडी, प्रदेश नं ६ मा भरतबहादुर ढुंगाना र प्रदेश नं ७ मा युवराज सुवेदी पठाइसकेको छ ।