पार्टी एकता ७०/३० को अनुपातमा हुने

-- नेपाली टाइम्स अस्ट्रेलिया ?>

काठमाडौं– नेकपा एमालेका नेता सुरेन्द्र पाण्डेले एमाले र माओवादी केन्द्रबीच ७० र ३० को अनुपातमा पार्टी एकता हुने बताएका छन् । चितवनमा आयोजित एक कार्यक्रममा बोल्दै पाण्डेले निर्वाचनको परिणामले दुई पार्टीलाई ७० र ३० को अनुपातमा लगेकाले सोही अनुसार पार्टी एकता हुने बताएका हुन् ।
राष्ट्रियसभा र प्रदेशसभाको सिट बाँडफाँड ७० र ३० प्रतिशतकै आधारमा गरिएको छ । उनले भने– पार्टी एकीकरण र संघीय सरकार पनि त्यही अनुपातमा हुन्छ । पूर्वअर्थमन्त्रीसमेत रहेका पाण्डेले कामचलाउ सरकारले अर्थतन्त्रमा दूरगामी प्रभाव पार्ने खालका निर्णय गरेको पनि बताए ।