काठमाडौं– देश र जनताको अधिकारका लागि बलिदान गर्ने शहीदप्रति सम्मान गर्दै आज मंगलबार देशभर शहीद दिवस मनाइँदै छ । निरंकुश जहानियाँ राणा शासनविरूद्ध आफ्नो ज्यानको बलिदान गरेका वीर शहीदको स्मरणमा हरेक वर्ष माघ १० देखि १६ गतेसम्म ‘शहीद सप्ताह’ मनाइँदै आएको छ । शहीद दिवशको अवसरमा नेपाल सरकारले आज सार्वजनिक विदा दिएको छ ।

देशका लागि प्राण आहुति दिने शहीदहरूको सम्झना गरिने दिन हो। नेपालमा माघ १६ गतेलाई शहीद दिवसको रूपमा मनाइन्छ। राणा शासन बिरूद्ध लडेका शहीद हरूको सम्झनामा शहीद दिवस मनाउन थालिएको हो । यस दिन शहीद धर्मभक्त माथेमा, दशरथ चन्द, गंगालाल श्रेष्ठ र शुक्रराज शास्त्री लगायतका शहीद हरूको सम्झना गरिन्छ ।
शहिदहरु शुक्रराज शास्त्री, धर्मभक्त माथेमा, दशरथ चन्द ठाकुर र गङ्गालाल श्रेष्ठलाई प्रजातन्त्रको पक्षमा जनतामाझ वकालत गरेको अभियोगमा हत्या गरिएको माघ १० गतेदेखि १६ गतेसम्मको अवधिलाई शहिद सप्ताहका रुपमा मनाइन्छ ।
शहीद दिवसको अवसरमा शुभकामना दिँदै राष्ट्रपति विद्यादेवी भण्डारी तथा प्रधानमन्त्री शेरबहादुर देउवाले आपसी सहकार्य, मेलमिलाप र एकताको भावनाले प्रेरित भएर शहीदको सपना साकार पार्ने अभियानमा हातेमालो गर्दै अघि बढ्नु पर्ने उल्लेख गरेका छन् ।