मुलुक प्रदेशको संरचनामा प्रवेश गरेपछि
सातवटै प्रदेशको अस्थायी मुकाममा प्रदेशसभाका सदस्यहरूले जनवरी २८ का दिन सपथ ग्रहण गरे लगत्तै नेपालको राजनीतिक अवस्थाले नयाँ बाटो समात्ने अनुमान गरिएको छ । प्रदेशसभा सदस्यको निर्वाचन भएको झन्डै डेढ महिनापछि प्रदेशसभाका सदस्यहरूले शपथ ग्रहण गरेका हुन् । योसंगै मुलुक औपचारिकरुपमा प्रदेशको संरचनामा गएको छ । यो संगै लामो समयदेखि केन्द्रीकृत तथा एकात्मक शासन व्यवस्थाको अन्त्य भई मुलुकको राज्यशक्ति बिकेन्द्रित भएको छ । अबका दिनदेखि प्रादेशिक संरचनालाई बलियो बनाउँदै जनतालाई चुस्त र दुरुस्त सेवा–प्रवाह, समतामूलक विकासका लागि अघि बढ्नुपर्ने जिम्मेवारी प्रदेशसभाका सदस्यहरूको काँधमा आएको अनुभव गर्न थालिएको छ ।
नेपालको संविधानले मुलुकको राज्यशक्तिको प्रयोग संघ, प्रदेश तथा स्थानीय तहले गर्ने भनेर किटान गरेको छ । त्यसै अनुसार राज्यशक्तिको प्रयोग गर्ने संरचना प्रदेश अस्तित्वमा आएको हो । निर्वाचन सम्पन्न भएको निकै ढिला गरी सरकारले प्रदेश प्रमुख र प्रदेशको अस्थायी मुकाम तोकेकाले प्रदेशसभाका सदस्यहरूको शपथ ग्रहण पनि ढिला नै भएको हो ।
सरकारले गरेको अध्ययन तथा तयारी अनुसार प्रदेशमा प्रदेश मन्त्रिपरिषद् तथा मुख्यमन्त्रीको कार्यालय, गृह मन्त्रालय, प्रदेश अर्थ मन्त्रालय, पूर्वाधार विकास मन्त्रालय, कृषि तथा भूमि व्यवस्थान मन्त्रालय, वन, विज्ञान तथा वातावरण मन्त्रालय र शिक्षा, स्वास्थ्य तथा सामाजिक विकास मन्त्रालय रहने छन् । त्यसका लागि पर्याप्त कार्यालय, भौतिक पूर्वाधार तथा दक्ष जनशक्ति पहिलो आवश्यक अन्तर्गत पर्दछन् । व्यवस्थापिका संसद् सचिवालयले गरेको एक अध्ययनमा प्रदेशसभा सञ्चालनका लागि मात्रै पनि एउटा प्रदेशमा ४७ जना स्थायी कर्मचारी तथा २० जना अस्थायी!करारका कर्मचारी आवश्यक पर्ने औंल्याएको छ । जस अनुसार सबैभन्दा बढी प्रदेश नं. ३ मा १ सय १० प्रदेशसभा सदस्य तथा सबैभन्दा कम प्रदेश नं. ७ मा ५३ प्रदेश सभा सदस्य रहनेछन् । यसबाहेक प्रदेश सरकारले दिने सेवा सञ्चालनका लागि धेरै जनशक्ति आवश्यक पर्छ । ऐन, कानुन निर्माणमा ढिलाइले गर्दा स्थानीय तहमा निवार्चित जनप्रतिनिधि आइसकेपछि पनि लामो समयसम्म काम गर्न नपाएको अवस्था रहेको छ ।
संविधानअनुसार निर्वाचनको अन्तिम परिणाम घोषणा भएको २० दिनभित्र प्रदेशसभा बैठक आह्वान गर्नुपर्छ । त्यसै गरी ३५ दिनभित्र मुख्यमन्त्री नियुक्तिसम्बन्धी प्रक्रिया पूरा गर्नुपर्ने र पहिलो बैठक भएको १५ दिनभित्र सभामुख र उपसभामुखको निर्वाचन गर्नुपर्ने संवैधानिक प्रावधान छ । एक महिनाभित्र गठन हुने प्रदेश सरकारसाग संविधान र कानुनको अधीनमा रही प्रदेशको शासन व्यवस्थाको सामान्य निर्देशन, नियन्त्रण र सञ्चालन गर्ने अभिभारा हुनेछ । यस्तो अवस्थामा प्रदेशको व्यवस्थापनसागै चलायनमान बनाउने जिम्मेवारी प्रदेशसभा सदस्यहरूको रहनेछ । प्रदेशसभा सदस्यहरूले गर्ने प्रत्येक कामबाट जनताले संघीयताको अनुभूति गर्नेछन् । त्यसैले अब देश र जनताको बृहत्तर हितलाई ध्यानमा राख्दै आफ्नो कामबाट संघीयताको औचित्य पुष्टि गर्ने अभिभारा सरकार, राजनीतिक दलसागै प्रदेशसभा सदस्यहरूको रहेको छ ।
सरकारको आलटाल
यसअघि सरकारले प्रदेश प्रमुख तथा प्रदेशको अस्थायी राजधानी तोक्न झन्डै डेढ महिना लगाएको थियो । प्रदेश प्रमुख तथा प्रदेशको राजधानी बिना राष्ट्रिय सभाको निर्वाचन असम्भव भएपछि सरकारलाई अन्तिम क्षणमा आएर प्रमुख तथा राजधानी तोक्न एक प्रकारको दवाव झैं भएको थियो । निर्वाचन सम्पन्न भएको लामो समय बितिसक्दा समेत सरकारले गरेको आलटाललाई विपक्षी दलहरूले समेत अर्थपूर्ण रुपमा हेर्न थालिसकेको अवस्था थियो । निर्वाचन सम्पन्न भएको डेढ महिनासम्म निर्वाचन आयोगले निर्वाचन परिणाम तोक्न नसक्नुलाई पनि सरकारको ढिलासुस्तीलाई नै कारक मानिएको थियो ।
हरेक निर्वाचनपछि नयाँ जनादेश अनुसारका दललाई सत्ता हस्तान्तरण गर्न ढिला गर्ने परिपाटि विगतमा पनि नदेखिएको होइन । यसपटक पनि मुलुकले त्यही नियति भोग्नु पर्यो । सरकारले निर्वाचन सम्पन्न भए लगत्तै प्रदेश प्रमुख सिफारिस नगरेकै कारण राष्ट्रिय सभा निर्वाचन प्रभावित भयो । प्रधानमन्त्री शेरबहादुर देउवाका मन्त्रीहरू समेत प्रदेश प्रमुख र मुकाम नतोकिएकोमा प्रधानमन्त्रीप्रति रुष्ट देखिए । चौतर्फी दवावपछि प्रधानमन्त्रीले प्रमेशको अस्थायी मुकाम तथा प्रदेश प्रमुख त तोके, तर त्यसका लागि निकै समय लगाए । अब राष्ट्रिय सभाको निर्वाचन लगत्तै देशले जनादेश अनुसारको सरकार पाउने छ भन्ने कुरामा आशावादी हुन सकिने संकेतहरू देखिएका छन् ।
अन्तिम क्षणमा विवादास्पद निर्णय
कामचलाउ अवस्थामा पुगेको सरकारले विदा हुने बेलामा आएर विभिन्न विावादास्पद निर्णयहरू गरिरहेको छ । खासगरी भूकम्पपीडितलाई दिँदै आएको अनुदानमा थप १ लाख रुपैयाँ दिने निर्णय तथा ७० वर्ष पुगेका नागरिकलाई सरकारले सामाजिक सुरक्षा भत्ता उपलब्ध गराउँदै आएकोमा २४ जनवरीको मन्त्रिपरिषद्को बैठकले सामाजिक सुरक्षा भत्ता बुझ्नका लागि पाँच वर्ष उमेर घटाएको छ । यदि सरकारको यो निर्णय कार्यान्वयन भएमा ६५ वर्षमै सामाजिक सुरक्षा भत्ता पाउनेछन् । त्यस्तै, भूकम्पपीडितले सुरक्षित घर बनाएबापत ३ लाख रुपैयाा पाउँदै आएकोमा सरकारले १ लाख रुपैयाँ थप गरिदिएको छ ।
झट्ट हेर्दा सरकारले लोकप्रिय निर्णय गरेजस्तो लागे पनि यो निर्णयको दीर्घकालीन प्रभाव सकारात्मक देखिनेवाला छैन । पछिल्लो समय शेरबहादुर देउवा नेतृत्वको सरकार सर्वसाधारणलाई सुविस्ता दिनेभन्दा पनि नयाँ बन्ने सरकारलाई अप्ठेरो पार्ने मनस्थितिमा रहेको स्पष्ट देखिएको छ । मुलुक संघीयतामा गइसकेकाले अहिले मुलुकभर कर्मचारी अभाव छ । यद्यपि, प्रधानमन्त्री देउवाले कर्मचारीलाई स्वैच्छिक अवकास दिने योजना बनाएका छन् । देउवाको योजनाअनुसार कर्मचारीलाई स्वैच्छिक अवकास दिँदा राज्यलाई ६० अर्ब रुपैयाँ आर्थिक भार पर्नेछ भने कर्मचारीको अभाव हुने निश्चित छ ।
भूकम्पपीडितलाई थप अनुदानको व्यवस्था गरेर मात्रै सर्वसाधारणको समस्या समाधान हुन्छ भन्नु उपयुक्त देखिंदैन । पुनर्निर्माण प्राधिकरणको तथ्यलाई नै आधार मान्ने हो भने पनि अहिलेसम्म जम्मा १० प्रतिशतले मात्रै भूकम्पप्रतिरोधी घर बनाएका छन् । बाँकी ९० प्रतिशतले घर नबनाउनुमा रकमको अभाव होइन । प्राधिकरणको संरचनामै प्रशासनिक जटिलता छ । वास्तवमै सर्वसाधारणलाई राहत दिने हो भने रकम थपेर मात्रै हुन्न भूकम्पप्रतिरोधी घर बनाउन चाहनेलाई एकमुष्ट रकम उपलब्ध गराउनुका साथै प्राधिकरणका जागिरे ओभरसियर इन्जिनियरलाई फिल्डमै खटाउनु पर्छ ।
सरकारका पछिल्ला निर्णयलाई नयाँ सरकारले तत्काल खारेज गर्ने कुरामा दुईमत छैन । वृद्धभत्ता र भूकम्पपीडितलाई नियुक्ति मात्रै हैन, निर्वाचन सकिएपछि भएका सरुवा, बढुवा, नियुक्तिलगायत सबै निर्णय खारेज गर्ने हिम्मत नयाँ सरकारले राख्नुपर्छ । कामचलाउ अवस्थामा रहेको सरकारले गरेका जथाभावी निर्णयलाई नयाँ सरकारे खारेज गर्नेछ भन्ने कुरामा जनता समेत आशावादी छन् ।
एमालेको आपत्ति
नेकपा एमालेले कामचलाउ सरकारका प्रधानमन्त्री शेरबहादुर देउवालाई अनुचित र अनैतिक गतिविधि तत्काल बन्द गर्न सचेत गराएको छ । उसले राष्ट्रलाई दीर्घकालीन हानि पुर्याउने कुनै पनि निर्णय नगर्न चेतावनीसमेत दिएको छ । एमाले केन्द्रीय कार्यालय धुम्बाराहीमा आयोजित पत्रकार सम्मेलनमा अध्यक्ष केपी शर्मा ओलीले कामचलाउ सरकारले मुलुकको अर्थतन्त्र र प्रशासनमा दूरगामी नकारात्मक प्रभाव पार्ने गरी निर्णय गरिरहेको भन्दै असन्तुष्टि जनाएका हुन् । भावी प्रधानमन्त्रीका रूपमा समेत हेरिएका एमाले अध्यक्ष ओलीले अनुचित र अनैतिक गतिविधि तत्काल बन्द गर्न प्रधानमन्त्री देउवालाई सुझाव दिँदै सरकारका पछिल्ला निर्णयमाथि नयाा सरकारले पुनर्विचार गर्ने समेत बताए । ‘संविधान, कानुन र राष्ट्रका हितविपरीत भएका सबै निर्णयलाई अब बन्ने सरकारले अस्वीकार गर्नेछ,’ ओलीको भनाइ छ । प्रतिनिधिसभा र प्रदेशसभा निर्वाचनको मिति घोषणा भएसँगै कामचलाउ भएको सरकारलाई राज्यको दैनन्दिनका र नियमित काम मात्रै गर्ने अख्तियारी प्राप्त रहेको एमालेले जनाएको छ ।
‘सरकारले लोकतन्त्रका आम मूल्य र मर्यादा, अभ्यास र न्यूनतम लोकलाजलाई समेत लत्याउँदै मन्त्रिमण्डल विस्तार, जथाभावी नियुक्ति र सरुवा–बढुवा, राज्यकोषबाट करोडौं रकम वितरण जस्ता निर्वाचनलाई प्रभावित पार्ने काम गर्दै आयो,’ एमालेले जारी गरको विज्ञप्तिमा भनिएको छ –‘हामीले सुरुदेखि नै आपत्ति जनाउँदै आएका छौं, निर्वाचन आचारसंहिताको नांगो उल्लंघन र राज्यसंयन्त्रको चरम दुरुपयोगका बाबजुद निर्वाचनमा पराजित भएको नेपाली कांग्रेस नेतृत्वको यो सरकार राष्ट्रिय सभा निर्वाचनमा पनि यसैगरी राज्यसंयन्त्रको दुरुपयोग गर्न लागिपरेको छ ।’
कांग्रेस र सरकारको मुख्य उद्देश्य नै सकेसम्म वाम गठबन्धनलाई सरकार गठन गर्नबाट रोक्ने र त्यसो गर्न नसके देशको समग्र अर्थतन्त्र, शासन संयन्त्र र व्यवस्थालाई नै अराजक, संकटग्रस्त र भताभुंग पार्ने गरी अगाडि बढिरहेको गम्भीर आरोप पनि एमालेले लगाएको छ । संविधानको धारा ११९ को भावनाविपरीत सरकारको वार्षिक नीति र कार्यक्रम तथा बजेटमा समावेश नगरिएका, कुनै जनप्रतिनिधि निकायबाट स्वीकृत नभएका र राज्यलाई साढे ५ खर्बको दायित्व थपिने गरी अन्धाधुन्ध नयाँ कार्यक्रम थप गर्ने कुराले वर्तमान सरकार वित्तीय अराजकता सिर्जना गर्न उद्यत भएको स्पष्ट देखिएको एमालेले जनाएको छ ।
सरकारले बिना मापदण्ड र परिभाषा राज्यकोषबाट आफू निकटका मान्छेलाई अन्धाधुन्ध रकम बाँडिरहेको आरोप पनि एमालेले लगाएको छ । ‘एकातिर तीन तहको निर्वाचनका लागि भएको ठूलो प्रशासनिक व्ययभारका कारण राज्यको सञ्चित कोषमाथि ठूलो दबाब परिरहेको छ भने अर्कातिर पुँजीगत खर्चको अवस्था निकै दयनीय रहेको अवस्थामा आफू निकटका व्यक्तिहरूको चाहना पूर्तिका लागि राज्यकोषको दुरूपयोग सरकारले गरिरहेको छ,’ एमालेले भनेको छ ।
‘सरकारले ज्येष्ठ नागरिक भत्ता पाउने उमेर हद घटाएको समाचार सार्वजनिक भएको छ, विगतमा सामाजिक सुरक्षाको विषय लागू गर्न खोज्दा ‘कनिका छरेको’ र ‘ढुकुटी रित्याएको’ जस्ता लाञ्छना लगाउने नेपाली कांग्रेस नेतृत्वको यो कदम ज्येष्ठ नागरिकहरूको सम्मान र सामाजिक सुरक्षाको दायरा बढाउने कुरामा होइन, सस्तो लोकप्रियताका लागि गैरजिम्मेवारपूर्ण ढंगले गरिएको निर्णयका रूपमा रहेको छ,’ एमालेले जनाएको छ । एमालेले नेपाल प्रहरी र सशस्त्र प्रहरी बलमा माथिल्लो तहमा नयाँ दरबन्दी सिर्जना गर्ने अनावश्यक काम बदनियतपूर्ण ढंगले भएको जनाएको छ । संघीय संरचना कार्यान्वयनको चरणमा रहेको वर्तमान अवस्था र नयाँ राष्ट्रिय सुरक्षा नीति लागू हुन लागिरहेको परिप्रेक्ष्यमा ती व्यवस्थालाई लत्याउँदै सीमित स्वार्थ समूहको हितमा गर्न लागिरहेको सरकारको निर्णयले संगठनको वर्तमान संरचनालाई भित्रैदेखि समस्याग्रस्त तुल्याउने निश्चित रहेको एमालेले स्पष्ट पारेको छ ।
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...
काठमाडौं– ‘दिगो फेसन, सौन्दर्य, जीवनशैली तथा कलाका लागि युवा र महिलाहरूलाई सशक्तिकरण...
काठमाडौँ- उपप्रधान तथा स्वास्थ्य मन्त्री उपेन्द्र यादवले पदबाट राजीनामा दिएका छन् ।...
काठमाडौं- संघीय संसदको प्रतिनिधि सभामा हात हालाहालको स्थिति सिर्जना भएपछि बिहीबार साँझ...
काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ...
Enjoy the many benefits of starting up tonight hook up tonight for tonight...
Le bref variante: utiliser bons soins de vous fréquemment...
काठमाडौं- सरकारले महत्वाकांक्षी घोषणासहित नीति तथा कार्यक्रम सार्वजनिक गरेको छ । राष्ट्रपति...