उच्च अदालतद्वारा सन्दीप लामिछानेलाई सफाइ, विश्वकप क्रिकेट खेल्ने बाटो खुल्ला

-- नेपाली टाईम्स अष्ट्रेलिया ?>

काठमाडौं– क्रिकेटर सन्दीप लामिछानेलाई उच्च अदालत पाटनले बलात्कार मुद्दामा सफाइ दिएको छ । जिल्ला अदालत काठमाडौंले १३ पुस, २०८० मा लामिछानेलाई बलात्कारको मुद्दामा दोषी ठहर गर्दै उनलाई ८ वर्ष जेल सजायको फैसला सुनाएको थियो ।

सो फैसला उल्टाउँदै उच्च अदालतले उनलाई निर्दोष ठहर गरेको हो । उच्च अदालत पाटनका न्यायाधीशद्वय सुदर्शनदेव भट्ट र अञ्जु उप्रेतीको इजलासले सन्दीपलाई सफाइ दिएको हो ।

गौशाला २६ (परिवर्तित नाम) ले हालेको मुद्दामा काठमाडौं जिल्ला अदालतले सन्दीपलाई दोषी ठहर गर्दै ८ वर्षको जेल सजाय सुनाएको थियो । उक्त फैसला उल्टाउन माग गर्दै सन्दीपले उच्चमा पुनरावेदन गरेका थिए ।

मंगलबार र बुधबार दुवै पक्षको बहस पश्चात उनीहरु होटल प्रवेश गर्दा र निस्किँदाको सीसीटीभी फुटेज पनि हेरिएको थियो । त्यसपश्चात उच्च अदालतका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले सन्दीपलाई निर्दोष ठहर गरेको हो । उच्च अदालतको यो फैसलासँगै टी(२० विश्वकपमा सहभागी हुने सन्दीपलाई बाटो खुलेको छ ।