काठमाडौं—रंगहरुको पर्व होली आज मंगलबार काठमाडौं उपत्यकासहित देशका सम्पूर्ण पहाडी जिल्लाहरुमा हर्षोल्लासका साथ मनाईंदै छ । तराईका जिल्लाहरुमा भने भोलि मंगलबार होली मनाउने गरिन्छ ।
बसन्त ऋतुको आगमनको सुरुआतमा पर्ने होलीलाई सद्भाव र आत्मियता साटासाट गर्ने पर्वको रुपमा पनि लिइन्छ । मैत्रीभाव प्रकट गर्न सामूहिक रुपमा भेला भई एक—आपसमा रंग दलेर यो पर्व मनाउने चलन छ ।
काठमाडौं उपत्यका लगायतका पहाडी जिल्लाहरुमा बिहानैदेखि होली खेल्ने क्रम प्रारम्भ भैसकेको छ । आज विभिन्न संघ–संस्थाहरुले समेत रमाइला कार्यक्रम आयोजना गर्दै होली मनाउने गर्छन् ।
पौराणीक कथा अनुसार विष्णुभक्त प्रल्हादलाई आगोमा जलाउन खोज्दा दृष्ट प्रवृत्तिकी होलीका आगोमा भष्म भएको खुसीयालीमा होली मनाउन थालिएको हो । होलीको अवसरमा सरकारले आज काठमाडौंसहित पहाडी जिल्लामा तथा भोलि तराईमा सार्वजनिक विदा दिएको छ ।
फागुन शुक्ल अष्टमीको दिन काठमाडौंको वसन्तपुर दरबार क्षेत्रमा चीर गाडेपछि प्रारम्भ हुने होली पूणिर्माको रातमा उक्त चीर ढालेर जलाएपछि समाप्त भएको मानिन्छ ।

तस्बिर सौजन्य : कान्तिपुर साप्ताहिक