प्रधानन्यायाधीश पदमुक्त

-- नेपाली टाइम्स अस्ट्रेलिया ?>

काठमाडौं– प्रधानन्यायाधीश गोपाल पराजुली पदमुक्त भएका छन् । न्यायपरिषद सचिवालयले प्रधानन्यायाधीश पराजुलीको ६५ वर्षको उमेर गत २१ साउनमा नै पूरा भइसकेको देखिएकाले उनी पदमा नरहेको जनाएको छ ।
न्याय परिषद् सचिवालयले प्रधानन्यायाधीश गोपालप्रसाद पराजुलीलाई अवकाश भइसकेको जानकारी गराएको हो । सचिव नृपध्वज निरौलले हस्ताक्षर गरी पराजुलीलाई बुझाएको पत्रमा २०७४ साउन २१ गते नै अवकाश भइसकेको जानकारी दिइएको छ ।
पत्रमा भनिएको छ–‘सम्माननीय महोदयको ६५ पैसट्ठी वर्षको उमेर २०७४।४।२१ मा नै पुरा भईसकेको देखिन आएकोले आज मिति २०७४।११।३० को सचिवस्तरिय निर्णय अनुसार सम्माननीय महोदय पदमा नरहनु भएको जानकारी गराउँदछु ।’ पत्रमा न्याय परिषद्ले पराजुलीको परिषद सचिवालयमा रहेको नागरिकता, शैक्षिक योग्यता, विवरण तथा परीक्षा नियन्त्रण कार्यालय सानोठिमी भक्तपुरबाट बुधबार प्राप्त पत्रको आधारमा समेतको आधार उक्त निर्णय लिइएको उल्लेख छ।