पाकिस्तानको लाहोरमा आइतबार साँझ भएको आत्मघाती हमलामा कम्तिमा ६० जना मारिएका छन् ।

लाहोरको गुलसन ए एकबाल पार्कमा भएको आत्मघाती हमलामा अन्य सयौंजना घाइते भएका छन् ।

घटनास्थलमा रहेका प्रत्यक्षदर्शीका अनुसार यो आत्मघाती हमलामा प्रयोग भएका व्यक्तिले आफूलाई विस्फोटक पदार्थ भरिएको बेल्ट बाँधेका थिए ।

समाचार अनुसार आत्मघाती हमलामा संलग्न व्यक्तिले करिब १० किलोको विस्फोटक पदार्थले आफूलाई विस्फोट गराएका थिए ।

घटनापछि त्यहाँ सेनालाई तैनाथ गरिएको छ । आत्मघाती विस्फोटपछि उद्धार टीम घटनास्थलमा पुगेको छ ।

घटनास्थलमा २३ वटा एम्बुलेन्स पुगिसकेका छन् । पाकिस्तानी टेलिभिजन जियो न्यूजका अनुसार आइतबार ईस्टर भएकाले पार्कमा हजारौं मानिसको भीड थियो ।

घटनापछि सुरक्षकर्मीको टोलीले पार्क र आसपासको स्थानलाई आफ्नो कब्जामा लिएको छ । अहिले सयौं सुरक्षाकर्मीले सर्च अप्रेशनलाई तीब्र पारेका छन् ।

यो विस्फोटका क्रममा त्यहाँ रहेका प्रत्यक्षदर्शीका अनुसार पार्कमा रगत र शरीरका अंग यत्रतत्र छरिएका छन् । त्यहाँ अाइतबार साँझ महिला र बच्चासमेत ठूलो संख्यामा पारिवारिक सदस्य उपस्थित थिए ।

शहरका सबै सरकारी अस्पतालमा एक आपातकाल घोषणा गरिएको छ। अन्य इलाकामा पनि पुलिसको टोलीले घेरेको छ ।