रुपन्देहीमा रहेको अपांग बिद्यालय र अनाथाश्रमका लागि सहयोग संकलन गर्ने उद्देश्यले रुपन्देही समाज अष्ट्रेलियाको आयोजनामा हुन लागेको सांगितिक कार्यक्रममा गायक यम बराल, सनुप प्रसाई र आकांक्षा बस्याल अष्ट्रेलिया आउदैछन ।अतिथि कलाकारहरुलाई सिड्नीमा रहेकी प्रतिभावान गायिका सुजाता उपाध्याय मानन्धरले र गायक ईश्वर पोखरेलले साथ दिने छिन् ।  सिड्नी र एडेलेडमा आयोजना हुने गायक यम बराल सहितको यो सांगेतिक साँझ सिड्नीमा अप्रिलको ९ तारिखमा ओरियन रिसेप्सन सेन्टर (  155 Beamish St. Campsie 2194) मा साँझ ६ बजे देखि १० बजे सम्म हुदैछ ।

रुपन्देही समाजका तर्फबाट कार्यक्रम संयोजक ईश्वर पोख्रेलका अनुसार कार्यक्रमको टिकट दर ३० डलर र बिशेष टिकटको ७० डलर रखिएको छ । बिशुद्द परोपकारी एब मनोरन्जनात्मक यस कार्यक्रममा उपस्थिति भइ दिनु हुनका लागि आयोजकले सबैलाई अनुरोध गरेका छन् ।  थप जानकारी का लागि ईश्वर: 0410441412 , सन्तोष:0404811659 कृष्ण: 0434 057 761  लाई सम्पर्क गर्न सकिनेछ । त्यसै गरि एडेलेडमा यम बराल सांगितिक साँझ अन्तरास्ट्रिय नेपाली कलाकार समाज साउथ अस्ट्रेलियाको आयोजनामा अप्रिल १३ मा एडेलेड सिबिडिको डोम पोल्सकी हलमा हुदैछ।