काठमाडौं– प्रधानन्यायाधीशमा सिफारिस हुनुभएका ओमप्रकाश मिश्रको संसदीय सुनुवाई प्रकृया प्रारम्भ भएको छ । संवैधानिक परिषदबाट प्रधानन्यायाधीशमा सिफारीस हुनुभएका मिश्र विरुद्व संसदीय सुनुवाई विशेष समितिले उजुरी माग गर्ने निर्णय गरेको समितीकी सदस्य पुर्णाकुमारी सुबेदीले जानकारी दिएकी छिन् ।
आईतबार बसेको सुनुवाइ समितिको वैठकले १० दिनको समय दिँदै सार्वजनिक सूचना प्रकाशित गर्ने निर्णय गरेको छ । समितीकी सदस्य सुवेदीका अनुसार सुनुवाईका लागि १० दिने सूचना जारी गरिएको छ । योसंगै सुनुवाई प्रकृया अघि बढेको हो । अब मिश्र बिरुद्ध जो कोहीले प्रकृया पुरा गरेर उजुरी गर्न सक्ने छ । उजुरीको आधारमा सुनुवाई प्रकृया अघि बढ्छ ।
समितिले मिश्रले न्यायाधीशको रुपमा सम्पादन गरेका कार्य, उहाँको व्यक्तिगत र शैक्षिक विवरण लगायतका विबिध विषयमा उजुरी दिन सक्ने व्यवस्था गरेको जनाएको छ ।
यसअघि सिफारिस हुनुभएका वरिष्ठत न्यायाधीश दीपकराज जोशीको नाम अस्वीकृत भएपछि मिश्रको नाम सिफारिस गरिएको हो । जोशीविरुद्ध शैक्षिक प्रमाणपत्र र उहाँले गरेका फैसलाहरुको प्रश्न सुनुवाई समितिमा उठेपछि उहां अनुमोदन हुनुभएको थिएन ।