गायक ईश्वर पोखरेलको नयाँ साँगेतिक कोसेली ‘कति राम्री’ सार्वजनिक भएको छ । म्यूजिक भिडियो सहित सार्वजनिक उक्त गीतमा आफैले स्वर दिएका छन् । आफ्नै यूटुब च्यानल मार्फत सार्वजनिक भिडियो छोटो अवधीमै निकै लोकप्रिय बन्न पुगेको छ । एक नारायण भण्डारीको शष्द रहेको ‘कति राम्री’ मा आशिष अविरलले संगीत भरेका छन् । ‘गीतमा नेपाल को प्राकृतिक सौन्दर्य सँग आफ्नो प्रेमिका लाई दाँज्ने कोसीश गरेको छु’, गायक पोखरेलले भने, ‘म्युजिक भिडियो पनि राम्रो बनाउन प्रयास गरेका छौँ ।’ अध्ययन र रोजगारको सिलसिलमा सन् २००९ देखि अष्टे«लियालाई कर्मभूमी बनाउँदै आएका गायक पोखरेलका २ दर्जन भन्दा बढी गीतहरु रेडक भइसकेका छन् ।

उनको सामूहिक गीती एल्बम् ‘उडान’ दुई बर्ष अघि सार्वजनिक भएको थियो । अष्ट्रेलियामा विभिन्न अवसरमा आयोजना हुने साँगेतिक कार्यक्रममा प्रस्तुती दिइराख्ने पोखरेलका ‘रातो रिवन’, काली मोरी’, तिमी छैनौ त छैन शीतल जस्ता गीतहरु बढी लोकप्रिय छन् । ‘मेरो आफ्नै प्रयासमा विभिन्न साँगेतिक कार्यक्रमहरु पनि आयोजना गर्दै आएको छु, जहाँ रहेपनि नेपाली गीतसंगीतलाई सक्दो योगदान गर्ने प्रयास गरिरहेको छु’, उनले भने । सुनिल क्षेत्री को निर्देशन रहेको म्यूजिक भिडियोमा एपीवान टेलिभिजनको चर्चित डान्स रियालिटी शो बुकीबुगीका कलाकार रविन भुजेल र सारा श्रीपाली लगायतको अभिनय रहेको छ भने नेपाली ठिटोस समुहले पनि साथ दिएको छ ।