काठमाडौं– संस्कृति, पर्यटन तथा नागरिक उडड्यनमन्त्री रवीन्द्र अधिकारी लगायत हेलिकप्टर दुर्घटनामा परी मृत्यु भएकाहरूको शव आज काठमाडौं ल्याउने तयारी भइरहेको छ ।
आज बिहानै घटनास्थलमा रहेका बाँकी ३ शवलाई सुकेटार विमानस्थलमा लगिएको र मौसमको अनुकुलता हेरेर काठमाडौं पठाइने तयारी गरिएको ताप्लेजुङका प्रहरी नायब उपरिक्षक सञ्जयसिंह थापाले जानकारी दिनुभयो ।
यसअघि हिजो विमानस्थलमा ल्याएपछि वर्षा र हिउँका कारण शव उठाउने कार्य प्रभावित बनेको थियो । घटनास्थलबाट शव बोकेरै ल्याउने प्रयास गरिए पनि असफल भएपछि आज बिहान सेनाको हेलिकप्टरले आज बिहान मात्रै शव सुकेटार विमानस्थलमा पुर्याइएको हो हो ।
काठमाडौंबाट तेह्रथुमको चुहानडाडामा विमानस्थलको सम्भाव्यता अध्ययनका लागि गएको मन्त्री अधिकारीसहितको टोली काठमाडौं फर्किने क्रममा हिजो ताप्लेजुङको दारेभीरमा दुर्घटनामा परेको थियो । दुर्घटनामा मन्त्री अधिकारी सहित ७ जनाको निधन भएको छ ।