लयमा फर्किँदै नेपाल, नेपालको कसिलो बलिङ

-- ?>

cricket

काठमाडौं— विश्व क्रिकेट लिग च्याम्पियनसिप अन्तर्गत आज सोमबार नेपालले नामिबियासंग दोस्रो खेल खेलिरहेको छ । कीर्तिपुरस्थित क्रिकेट मैदानमा हजारौं दर्शकमाझ नेपालले होम ग्राउन्डमा यो महत्वपूर्ण खेल खेलिरहेको हो । आजको खेलमा नेपालले टस जितेर नामिबियालाई पहिला ब्याटिङ गर्ने निम्तो दिएको छ । यो समाचार तयार पारुञ्जेलसम्म २७ ओभरको खेल सम्पन्न भैसकेको छ । ताजा अवस्थामा नामिबियाले १ सय १५ रन बनाउँदा पाँच विकेट गुमाएको छ । नेपालका लागि सन्दिप लामिछानेले पहिलो सफलता दिएका हुन् । लामिछानेले ५१ रन बनाएर खेलिरहेका नामिबियाका स्टेफन बार्डलाई आउट गरेका हुन् । पिक्की फ्रान्स ४ रन बनाएर रन आउट भए । पछिल्लो ओभरमा नेपालका वसन्त रेग्मीले दुई विकेट लिन सफल भएका छ्न ।
आठ देश सम्मिलित यो प्रतियोगितामा शीर्ष चारमा आफ्नो स्थान सुरक्षित नगरे आउँदो विश्वकपमा नेपालले स्थान बनाउन सक्ने छैन जसले नेपालको स्थान डिभिजन टुमा झर्नेछ । नामिबियाविरुद्ध शनिबारको म्याचपछि नेपालको विश्व क्रिकेट लिग च्याम्पियनसीपमा पुनरागमन गर्ने बलियो सम्भावना पेस गरेको छ ।