कट्रिना पहिरन

-- नेपाली टाईम्स अष्ट्रेलिया ?>

भारतमा हालै भएको फेमिना ब्यूटी अवार्डस् २०२० मा कैयौं बलिउड कलाकार सहभागी भए । अवार्डमा कैयौं स्टारको सुन्दरतालाई दर्शकले नजिकबाट नियाल्ने मौका पाए । एवार्डमा कटरीना कैफदेखि अनन्या पाण्डेसम्मको सुन्दरतालाई दर्शकले नियाले । जसमा बढी चर्चा कटरीनाको सुन्दरता भन्दा पनि उनले लगाएको सेतो गाउनको भयो । हालका दिनमा कटरीना आफ्नो आउटफिटको मूल्यलाई लिएर सामाजिक सन्जालमा छाइरहेकी छन् । त्यसो त कटरीना सामाजिक सन्जालमा खासै सक्रिय त छैनन् तर पनि उनको फोटो र भिडियो इन्टरनेटमा आइरहन्छन् । अलेक्स पेरीले डिजाइन गरेको कटरीनाको गाउनको मूल्य १ लाख ८३ हजार ४ सय ६४ भारतीय रुपैंया हो । यो एवार्ड शोमा कटरीनाले उनको कम्पनी के ब्यूटीका लागि पहिलो एवार्ड जितेकी थिइन् । कटरीना पछिल्लो पटक सलमान खानका साथ फिल्म ‘भारत’मा देखिएकी थिइन् । उनी चाँडै नै अक्षय कुमारसँग फिल्म ‘सूर्यवंशी’मा देखिँदैछिन् ।