काठमाडौं – अष्ट्रेलियाको सिड्नीमा बसोबास गर्ने कवि तथा गीतकार महेश्वर शर्माको रचनामा तयार पारिएको गीत ‘मुटु भरि देश बोकि’ गीतको म्यूजिक भिडियो सार्वजनिक भएको छ ।

कविता र गीतमा कलम चलाउँदै आएका शर्माको यो पहिलो गीत हो ।

गीतकार शर्मा रुपन्देहीको देवदहका स्थायी वासिन्दा हुन् ।

शर्मा हाल अष्ट्रेलियाको सिड्नीमा बसोबास गर्छन् ।

नेपाली साहित्यमा कलम चलाउंदै आएका शर्माको यसअघि कविता संग्रह ‘प्रवासका जूनहरु’ प्रकाशित भएको थियो ।

अन्तर्राष्ट्रिय नेपाली साहित्य समाजका केन्द्रिय सदस्य तथा अनेसास न्यू साउथ वेल्स अष्ट्रेलियाका अध्यक्ष समेत रहेका शर्माले डायस्पोरिक साहित्यमा आफ्नो बलियो स्थान बनाएका छन् ।

राष्ट्रप्रति समर्पित यो गीतमा नेपाली सांगीतिक क्षेत्रका उज्जवल नक्षेत्र सुमधुर स्वरका धनि गायक रामकृष्ण ढकाल तथा लोकप्रिय गायिका मेलिना राईको स्वर रहेको छ भने नेपाली सांगीतिक आकाशमा एउटा ओजस्वि नाम बनाएका मेलोडी संगीतकार आनन्द राईको संगीत रहेको छ ।

यसैगरि संगीत संयोजन महाराज थापाको रहेको छ ।

गीतमा मिक्सिङ्ग साजन शाहले गरेका हुन् ।

गीतको म्युजिक भिडियो निर्देशन युवराज वाईबा, सम्पादन विकास दाहाल, छायङ्कन राज पोखरेल तथा दिपेन्द्र भट्टको रहेको छ।

गीतको म्युजिक भिडियोमा रचनाकार महेश्वर शर्मा , गायक रामकृष्ण ढकाल, गायिका मेलिना राई,संगीतकार आनन्द राई तथा सोनम पाण्डे शर्मा, कृष्ण शर्मालाई समेत देख्न सकिने छ भने कलाकारहरु सरोज दाहाल र साक्षी लम्सालको अभिनय रहेको छ ।