काठमाडौं– नेपालमा कोरोना भाइरसका एक हजार ४५९ जना सङ्क्रमित थपिएका छन् ।

पछिल्लो २४ घण्टामा देशभर दशहजार ३७५ वटा आरटी पीसीआर परीक्षणबाट उक्त सङ्क्रमणको पुष्टि भएको स्वास्थ्य तथा जनसंख्या मन्त्रालयले जनाएको छ ।

यो सँगै नेपालमा आठ लाख ६१ हजार ७८० वटा परीक्षण भएको छ ।

मन्त्रालयले आफ्नो दैनिक प्रेस ब्रिफिङको क्रममा पछिल्लो चौबीस घण्टामा थपिएका सङ्क्रमितसँगै हालसम्मका कुल ५६ हजार ७८८ जना सङ्क्रमित भएको मन्त्रालयले जनाएको छ ।

सक्रिय सङ्क्रमित १५ हजार ७७९ छन् ।

पछिल्लो २४ घण्टामा एक हजार एकहजार ६२ जना सङ्क्रमित सङ्क्रमणमुक्त भई घर फर्केका छन् ।

यससँगै कोरोना भाइरसबाट निको भएकाहरुको संख्या ४० हजार ६३८ पुगेको छ ।

कोरोना संक्रमणमुक्त हुने दर ७१।५ प्रतिशत छ

आइसोलेसनमा कुल १५ हजार ७७९ पुगेको छ । क्वारेन्टिनमा सात हजार २५० जना छन् ।

पछिल्लो २४ घण्टामा ११ जनाको मृत्यु भएको छ ।

योसँगै कोरोना भाइरसका कारण मृत्यु भएका ३७१ पुगेको छ ।

काठमाडौं उपत्यकामा कोरोना भाइरसको संक्रमण दिन(दिनै बढिरहेको छ ।

पछिल्लो २४ घन्टामा काठमाडौं उपत्यकामा ६७६ जना नयाँ संक्रमित थपिएका छन् ।

जसमा काठमाडौं जिल्लामा मात्रै पछिल्लो २४ घन्टाभित्र ५५५ जनामा कोरोना पुष्टि भएको स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता डा। गौतमले जानकारी दिनुभयो ।

उपत्यकाकै ललितपुरमा ३५ र भक्तपुरमा ६६ जनामा कोरोना पुष्टि भएको मन्त्रालयले जनाएको छ ।

योसहित आजसम्म काठमाडौं उपत्यकामा कोरोना संक्रमितको संख्या करिब १२ हजारभन्दा बढीमा संक्रमण पुष्टि भइसकेको छ ।

उपत्यकामा मृतकको संख्या पनि उही रुपमा बढ्दै गएको छ ।

आज पनि काठमाडौं उपत्यकामा १ महिला ३ पुरुष गरी ४ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा।जागेश्वर गौतमले बताउनु भयो ।

उपत्यकाका कुनै पनि ठाउँमा कोरोना संक्रमणबाट अब सुरक्षित रहेन । कुन ठाउँ सुरक्षित र कुन असुरक्षित भन्नै नसकिने अवस्था भएको छ ।

काठमाडौं, ललितपुर र भक्तपुर जिल्ला प्रशासनले भदौ २५ बाट सशर्त निषेधाज्ञा जारी गरेको छ ।

यो निषेधाज्ञामा सेवाहरुमा केही खुकुलो बनाई जोरबिजोर सवारी सञ्चालनसँगै ठूला सार्वजनिक सवारी सञ्चालनमा पनि ल्याइएको छ ।

स्वास्थ्य मापदण्डलाई अति कडाई गरिएको भनिए पनि काठमाडौंको बजारमा भीडभाड छ ।

सडकमा सवारीको भीड देखिन्छ भने बजारमा जथाभावी मानिसहरुको आवातजावत देखिन थालेको छ ।