काठमाडौं– पछिल्लो २४ द्दण्टामा नेपालमा कोरोना भाइरसका एक हजार १५४ जना सङ्क्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशका विभिन्न ४९ वटा प्रयोगशालामा पछिल्लो २४ घण्टामा नौहजार ५३३ वटा आरटी पीसीआर परीक्षण भएको छ ।

योसँगै नेपालमा नौ लाख २३ हजार ८२३ वटा आरटी पीसीआर परीक्षण पुगेको छ।

मन्त्रालयले दैनिक प्रेस ब्रिफिङ्को क्रममा थपिएका नयाँ सङ्क्रमितसँगै नेपालमा कुल सङ्क्रमितको संख्या ६५ हजार २७६ जना पुगेको जनाएको छ।

पछिल्लो चौबीस घण्टामा एक हजार पाँचजना सङ्क्रमित निको भएर घर फर्केका छन् । कुल ४७ हजार २३८ जना निको भएका छन् । कोरोना संक्रमणमुक्त हुने दर ७२ प्रतिशत पुगेको छ ।

हाल १७ हजार ६११ जनामा सङ्क्रमण सक्रिय रहेको छ । आइसोलेसनमा कुल १७ हजार ६११ पुगेको छ । क्वारेन्टिनमा सात हजार ४०३ जना छन् । देशभर संक्रमित भएर विरामी भएर आइसीयूमा रहेर १९६ जनाले उपचार गराइरहनुभएको छ भने भेन्टिलेटरमा ३१ जना रहेका छन् ।

पछिल्लो २४ घण्टामा १६ जनाको मृत्यु भएको छ । पछिल्लो चौबीस घण्टामा सबैभन्दा बढी सङ्क्रमितको मृत्यु भएको हो । योसँगै कोरोना भाइरसका कारण मृत्यु भएका ४२७ पुगेको छ ।