६७ हजार ८०४ पुग्यो कुल संक्रमितको संख्या

-- नेपाली टाईम्स अष्ट्रेलिया ?>

काठमाडौं– पछिल्लो २४ घण्टामा नेपालमा कोरोना भाइरसका एक हजार १ सय ७२ जना सङ्क्रमित थपिएका छन् ।

स्वास्थ्य तथा जनसंख्या मन्त्रालयले दैनिक प्रेस ब्रिफिङको क्रममा थपिएका नयाँ सङ्क्रमितसँगै नेपालमा कुल सङ्क्रमितको संख्या ६७ हजार ८०४ जना पुगेको जनाएको छ।

पछिल्लो चौबीस घण्टामा १८ सय ९२ सङ्क्रमित निको भएर घर फर्केका छन् ।

कुल ४९ हजार ९ सय ५४ जना निको भएका छन् ।

कोरोना संक्रमणमुक्त हुने दर ७२ प्रतिशत पुगेको छ ।

हाल १७ हजार ४१४ जनामा सङ्क्रमण सक्रिय छ ।

आइसोलेसनमा कुल १७ हजार ४१४ पुगेको छ ।

क्वारेन्टिनमा सात हजार १०४ जना छन् ।

पछिल्लो चौबीस घण्टामा ७ जनाको मृत्यु भएको छ ।

योसँगै नेपालमा कुल मृत्यु हुनेको संख्या ४३६ पुगेको छ ।

पछिल्लो २४ घण्टामा काठमाडौं उपत्यकामा ६ सय ३७ जना संक्रमित थपिएका छन् ।

यो अवधिमा काठमाडौंमा ४ सय ९२ जना, भक्तपुरमा ९५ जना तथा ललितपुरमा ५० जना संक्रमित थपिएका हुन् ।