कला र बिमलको ‘लाहुरे आएन झुक्यायो’ सार्वजनिक

-- नेपाली टाईम्स अष्ट्रेलिया ?>

काठमाडौं– गायिका कला लम्साल आफ्नो नयाँ लोक गीतमार्फत दर्शक तथा स्रोतामाझ आएकी छिन् । ‘लाहुरे आएन झुक्यायो…’ शीर्षकको उक्त गीतमा गायिका लम्साललाई गायक बिमल परियारले साथ दिएका छन् ।

उक्त गीतमा शिव हमालको शब्द तथा संगीत सुन्न सकिन्छ । चेतन गोताम उक्त गीतका संगीत संयोजक हुन् । गीतमा खड्ग बुढाको मादल, भुवन गन्धर्वको ढोलक/तबलाबादन, सञ्जीब बराइलीको बास गिटार, गोपाल देव घतानीको बाँसुरी, धर्म गन्धर्वको सारंगी, बलबहादुर जैरीको सहनाइ वादन सुन्न सकिन्छ ।

साे गीतको भिडियोलाई मौसम हिमालीले निर्देशन तथा कोरियोग्राफी गरेका छन् । भिडियोमा अभिनेता गम्भिर विष्ट तथा गायिका कला लम्सालले अभिनय गरेका छन्  । नवराज उप्रेतीले उक्त भिडियो छायांकन गरेका हुन् भने प्रविण भट्ट भिडियोका सम्पादक हुन् ।